今日第5日係我哋唯一1日係宜蘭玩全日既日子, 我哋朝早第一個地點係農夫青蔥體驗農場, 之後去附近碰碰運氣, 看看有沒有花海睇! 然後到清水地熱及宜農牧羊場! 上一站>>CLICK HERE! [親子旅遊] 台北宜蘭 DAY4 菁桐 平溪 十分 蜡藝彩繪館 湯圍溝公園溫泉魚SPA 筑翫溫泉旅館 我預先一早約好10:00到達參加導賞及蔥油餅DIY, 但係早上起來要照顧佢哋兩隻嘢真係好忙 快快食個早餐就要出發 芊芊食快D啦.... Photo by iPhone 5s Photo by iPhone 5s Photo by iPhone 5s Photo by iPhone 5s Photo by iPhone 5s Photo by iPhone 5s 攪到遲咗起程, 今日我哋都係包咗車 我在香港時已經預約好, 一個叫Jakey哥的包車 點知嚟咗另外一個神秘女子! 佢叫森森姐姐 點都好啦, 上咗車先講, 就嚟遲到啦! 起初以為15分鐘可以去到, 點知塞車, 森森姐姐好好, 幫我哋打去農場度話我哋會遲D先到 農場都好好人, 我哋最後10:30先到, 佢等咗我哋半個鐘 因為仲有其他本地參加導賞的朋友, 所以真係好唔好意思, 我估唔到全部一齊等我地! Photo by iPhone 5s 一開始我哋就去咗摘蔥先, 著好哂水鞋 (因為記憶咭冇咗好多摘蔥既相, 所以只有這條片幸存) 棵蔥真係好大好粗, 呀芊同Hysan都試吓拔, 真係要夠大力, 扭吓扭吓就可拔出來 媽咪都忍唔住要買番幾棵番香港! 因為小朋友身體唔好, 所以可以煲蔥水俾佢哋飲 之後我哋就入番去將棵蔥洗一洗, 其實都係俾我哋體驗吓, 棵蔥要俾番佢哋, 之後就要上蔥油餅堂啦, 叔叔會教我哋點樣做蔥油餅! 首先將個麵團搓扁! 用木棍碌碌碌! 加少少油, 再繼續碌 碌得夠扁之後就放上蔥 然後上下左右叠嚟叠去, 包到一舊嘢唔漏蔥就完成啦 呀芊依家先開始放蔥, 森森姐姐好好人, 一路喺則邊幫助Hysan包, 等媽咪可以專心協助呀芊 終於可以放落油鑊炸啦 其實係一個Pan! 每人將自己包的放進Pan上, 然後拎番個號碼牌! 師博好厲害, 佢記得邊幾件係邊個號碼! 只需10分鐘, 我哋件蔥油餅就煎好啦, 唔知好唔好食呢?! 呢度地方好大, 很前D有個心形既花棚, 官方叫做「全台唯一百香果愛心步道」 都係一個影相景點喎 有好大個地方俾呀芊周圍跑! 因為個蔥油餅太熱, 剛剛炸起, 所以都要等多陣先食得 終於食得啦, 呢度有個小士多, 等我買番支嘢飲, 就唔會咁熱氣 哥哥好小心咁食, 驚熱親條脷! 老爸「真係好好好超好食呀!」 佢煎得皮好脆, 唔油, 好乾爽! D蔥好新鮮好清爽! 真係未食過咁好食 妹妹唔鍾意食, 話好辣喎... 都冇落辣椒, 又冇落胡椒粉 之後我哋行去隔離一個大草原 裡面有羊同火雞呀! 原來呢度仲有一隻! Hysan呀, 唔係咩都可以用嚟餵羊架! 佢求其係地下度執塊枯葉就嚟餵隻羊 原來火雞係咁醜樣! 好似個全身著住皮草既貴婦行路咁! 呀芊見到兔仔好開心, 唔似係普通兔仔, 全部都係長毛的 餵緊兔仔既姐姐好好, 俾咗幾條芊芊試吓餵, 又慳番唔駛特登買! 離開農場之後, 我們上車在馬路走走, 看看有沒有花海看, 因為較早前在網上看過在三星有一大片花田! 結果真係讓找們遇到了, 好靚....好靚....好靚呀! 我以為要第日去到台東先可以見到輕汽球, 估唔到呢度都見到咁多個, 好興奮呀! 馬路兩旁都有好多塊花田, 真係一望無際! 點擊圖片放大 哥哥又喺度玩捉依人! 下一站>>CLICK HERE! [親子旅遊] 台北宜蘭 DAY5 清水地熱 宜農牧場 點擊圖片放大 Photo by CANON 5D Mark III, Len | EF 35mm f/1.4L USM 呀劍評分: 9分 呀劍評語: 在三星鄉摘蔥場有好多, 最後我揀咗呢度, 主要原因係因為個網頁靚, 所有介紹收費很清楚, 最後嚟到呢度都真係覺得冇揀錯, 除咗有得摘蔥同埋整蔥油餅之外,仲有好多動物睇 農夫青蔥體驗農場 簡介 三星鄉農夫青蔥體驗農場，農場占地約5000坪， 可以讓您體驗不同的農作生活．我們即為在地的蔥農與上將梨農，農場擁有 幾百坪豐富的農場體驗空間，園內根據不同的季節有著不同的面貌，有青蔥、梨園、羊、雞、火雞、鵝...等 各種不同的動植物． 我們喜歡給來的客人擁有著最親近自然的環境，講解著三星蔥的一生，帶領著您們體驗一日蔥農的樂趣， 農作完後還可以體驗自己親手自作蔥油餅，從揉麵團到加入美味的新鮮三星蔥，完成後在現場煎來食用， 相信會是您這輩子吃過最美味的蔥油餅． 地址 宜蘭縣三星鄉拱照村大湖路59號 收費 蔥田導覽＋採蔥＋洗蔥＋蔥油餅ＤＩＹ 每人150元／70分鐘 營業時間 08:30 - 18:00 導賞時間 8:30、10:00、11:30、13:00、14:30、16:00 交通 自行開車 國道五號 -> 羅東交流道下 -> 直走看到中山路右轉 -> 接廣興路 -> 廣興大橋 -> 接三星路 -> 三星大橋前左轉 -> 抵達農夫青蔥體驗農場 大眾運輸 搭乘客運 羅東火車站 -> 搭乘國光客運或宜蘭勁好行 往 牛鬥、天送碑方向 -> 內湖站下車 ->步行五分鐘 -> 抵達農夫青蔥體驗農場 電話 0972-243252 蔣先生 網址 http://www.sunshinonion-diy.com/ (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
