離開之後我哋就行番去劍南路站, 出發去西湖站, 去1+1來玩互動教室 xue xue kids 上一站>>CLICK HERE! [親子旅遊] 台北宜蘭 DAY2 MOOOON SPRING CAFE & PLAY 中途見到美麗華個大摩天輪, 諗住同佢哋番張相, 點知兩隻嘢專登匿埋唔俾我影到! 點擊圖片放大 上車站前仲見到有人拍緊戲, 不過都唔識D演員! 都差唔多5:00, 我哋出發去西湖站啦! 只係搭一個站, 好快就到, 不過都要行10分鐘先去到, 途中D交通燈真係勁耐, 對於我哋D香港人乜都快慣, 真係好難頂, 而且我仲預約咗5:00既彩繪生肖小羊的活動, 遲哂到啦! 學學文創的建築外觀看起來非常的簡潔, 很難想像裡面藏有一間色彩繽紛的餐廳與兒童互動教室 地下做緊展覽, 要買飛入場, 於是我哋一上三樓，電梯門口就有一個服務櫃台，是屬於「1+1來玩」的 俾錢方法好得意, 因為呢個係一個慈善活動, 收益係去幫助貧窮地區小朋友讀書! 將捐款入落去個木箱度, 然後攪支棍, 個牧羊人會向你躹躬 點擊圖片放大 沿路見到好多其他小朋友的作品, 唔知係咪就嚟到除夕, 所以呢個地方一個人都冇, 又係得我哋.... 點擊圖片放大 入到去畫室, Hysan著起圍裙! 同房裡面既擺設好襯色! 如果有得揀, 彩繪個小矮人仲靚! 不過因為呢個計劃係彩繪生肖, 今年係羊年, 所以只可以揀羊嚟畫 又係一對一, 唔知係我哋幸運定係我哋去既地方唔啱時侯 小丸子姐姐教Hysan要留意既地方, 因為Hysan學校老師都係講普通話, 所以佢都可以同小丸子姐姐傾到計 開始準備要幫羊羊油顏色啦 當Hysan好專心咁幫羊羊油顏色既時侯, 我就四周圍去參觀, 呢度仲有好多間房! 好多工作室 點擊圖片放大 行到盡頭係一間親子餐廳 - 好樣小小 好樣小小是結合親子、文具、玩具、雜貨與輕食的複合式餐廳， 與「1+1來玩」 xue xue kids 親子美感教育實驗室同樣都位在學學文創志業三樓 但係可能今日冇咩客人, 所以只可以叫些蛋榚來吃, 沒有熟食ORDER, 不過我哋啱啱食完嘢, 所以都係參觀一下, 沒有ORDER嘢食 番轉頭睇Hysan, 已經大功告成 之後同Hysan芊芊嚟番餐廳同佢哋影相留念! 才剛剛六點, 出邊天空都變黑了! 其實呢度有好多玩具, 可以俾小朋友玩, 轉彎有條長走廊同大豆豆包可以俾小朋友嬉戲! 不過我就唔係太鍾意餐廳提供一件件的玩具俾小朋友邊食邊玩 如果係一個區域咁分番開食還食, 玩還玩會比較適合 跟住我哋搭Lift上咗四樓, 因為這裡有畫展睇 我同老婆同Hysan都好鍾意呢種黑白起稿式既圖畫, 間中在這種簡單線條上落一種顏色, 都係好靚! 點擊圖片放大 其中一幅牆係一個迷宮, 兩個用手指係牆度試過可唔可以過關! 點擊圖片放大 +4 離開咗呢度我哋就搭番捷運番酒店! 去番忠孝復興站見到呢個介紹台北既壁畫好靚 我又忍唔住要同佢哋影番幾張相! 下一站>>CLICK HERE! [親子旅遊] 台北宜蘭 DAY3 台北市木柵動物園/臺北市立動物園 點擊圖片放大 Photo by CANON 5D Mark III, Len | EF 35mm f/1.4L USM 呀劍評分: 6分 呀劍評語: 1+1來玩互動教室 簡介 他們的眼睛很小，卻看得很遠；他們的耳朵不大，卻聽得細小。他們的手掌軟嫩，卻足已盡情探索 … …彷彿世界是為了想像力存在，而想像力不過是像呼吸一般的自然而然。在玩樂的氣氛裡喜愛自己擺動的身體，從各種合作學習中，發掘天賦。那張遊戲的笑臉提醒著，每個人都應該是充滿好奇心的孩子。邀請你和孩子一起來，一加一等於無限大。 地址 台北市內湖區堤頂大道二段207號3樓 交通 西湖站步行9分鐘 營業時間 週一至五 Monday to Friday: 11am to 9pm（供餐至8pm） 設施 洗手間提供尿布台、小馬桶坐墊 互動教室收費 入場費成人兒童同價$200 電話 02-8502-2810 網址 http://www.xuexue.tw/kids/ (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
