今日我哋會出發去1914文化創意產業園區, 同埋下晝我預約咗一間親子餐廳! 之前在網上睇過呢度做緊小王子既展覽, 所以專登嚟睇吓! 上一站>>CLICK HERE! [親子旅遊] 台北宜蘭 DAY1 維格餅家台北夢工場 今日天氣非常好! 一早起身因為我哋要趕時間執拾行裝出發, 所以特赦俾佢哋話住Angry Bird, 同埋見係去旅行就俾佢哋放肆吓啦! 我一早起身先落街去永和豆漿買早餐食, 所有旅遊書都會推介的地方 最好食係蛋餅! 真係好好食, 豆漿都好好飲, 有豆香, 唔係盲甜! 食飽飽之後我哋開始出發啦, 我哋行去捷運西門站, 途中順便逛逛西門 台灣的馬路都好奇怪, 有陣時見綠燈公仔但係另一邊仍然有車過嚟 不過我好鍾意交通燈有倒數時間, 好想香港的紅綠燈都可以有! 去到橫街窄巷, 好多舖頭都未開, 同香港都差唔多, 我估佢都係晏晝時間先開 呢間Starbucks幾靚, 影番張相先, 不過上次四川見到嗰間有中國特色仲靚 終於行到去西門站! 今日又灑又凍好舒服! 我哋買咗悠遊卡, 即係台灣既八達通 (我買咭再增值)NTD$1000x3=NTD$3000 (台灣真好, 6歲以上乘搭捷運才需要付費) 我哋買咗悠遊卡俾Hysan, 因為我哋聽日要去木柵動物園, 用悠遊卡會入場快好多 我哋搭到去忠孝新生站, 要喺1號出口行上嚟 一行上嚟就見到檔燴蕃薯, 大約行3分鐘度 行多幾步就會見到忠孝國民小學 點擊圖片放大 過埋條馬路, 由捷運站行到1914都唔駛8分鐘, 離遠已經望到小王子既Backdrop, 前面仲有一大片草地, 佢哋兩個一見到咁大空間就周圍跑跑跑 點擊圖片放大 呢度係一個藝術區, 所以周圍見到既嘢都帶有藝術氣息 呢度總共有3個展覽進行緊, 除咗「小王子」之外, 仲有呢個「阿朗基」同埋「醜比頭」, 咁啱最近電影上緊哈比人! 所以有個咁大既龍頭係場外 除咗些展館及餐廳外, 其他園外的地方都係開放的, 點擊圖片放大 +2 這裡有個黑箱子, 話走進去可以得著力量! 遇著聖誕節過後, 所以仲有好多聖誕裝飾! 點擊圖片放大 邊行邊向住「小王子」展館走, 有好多Q版孔子POPs 跟住見到有個「Beatles」展館售票處, 同埋「阿朗基愛旅行」的售票處, 這裡有架巴士頭, 兩個小朋友二話不說就即刻爬咗上去 跟住行到去「小王子」展館, 我哋買咗飛, 唔算貴, 一張飛NT$280, 即係差唔多HKD70蚊 因為6歲以下唔駛錢, 所以我哋買兩張成人票就可以了 在門口已有一個大Backdrop可以影相, 同埋記住在門口登記拎番個耳機(佢哋叫情境故事機!) 等於導賞機, 你每去到一個地方按著佢展示既號碼, 你選按那號碼, 耳機就會播放該區的介紹 小王子是由法國作家Antoine de Saint-Exupery（安東尼．聖修伯里）所創作的繪本故事， 至今已經被翻譯為257種語言，也是世界上最暢銷書籍之一。 這次小王子特展，就是依照書中小王子所經歷的星際旅程， 把故事實景化，讓參觀的人可以跟著小王子來一趟星際旅行。 首先展示的是世界各國各種版本的小王子，據說是台灣一位小王子愛好者收藏的， 看到一列排開的小王子，真的很佩服這位收藏者的毅力！ 點擊圖片放大 +2 展館內每個小王子造型都好靚好細緻, 絕不馬處! 所有參觀人仕都很有規矩, 絕不會破壞到展品 點擊圖片放大 芊芊要特別照顧, 因為佢周圍攪攪震, 好驚佢整爛D展品 芊芊見到呢個哈哈鏡好開心, 停留咗好耐! 呢粒嘢好似喉嚨頂, 其實係水喉流出嚟既水...定係橙汁呢? 哈哈 嚟到呢部份, 係玩AR技術, 同QR code有D唔同, AR係認特定的圖示, 毋需要條碼來解碼 所以當鏡頭捕捉到Hysan手持的展板上的圖案, 畫面就會出現解碼後的3D影像 而且這影像係隨住我哋既擺動可以360度觀看! 芊芊希望你第日搵到個小王子陪住你呢個小公主啦 拎住唔同既展板都有唔同既3D影像! 在旁邊仲有好多個小型屏幕同小展板俾人玩, 所以唔一定要喺呢個大屏幕玩! 繼續聽住導賞介紹小王子! 2個小頭仔套落去都唔啱位! 好攪笑 點擊圖片放大 我最鍾意呢個景, 感覺佢哋就置身在玻璃瓶裡面 個展館好大! (其實只係精選咗某D相) 都行咗好耐, 好抵! 出到去當然就係賣紀念品的地方 買咗小小手信之後媽咪就繼續買嘢, 我就同兩個小朋友出去行吓 出到去見到隔離個館係醜比頭, Hysan話佢好核突! 其實佢就係Sell醜樣! 離展館不遠, 見到有個超大既草坪! 跑跑跳跳就一定啦 點擊圖片放大 +4 另外草地附近有一楝好似博物館咁既建築物, 原來行入去有好多唔同藝術展覽同餐廳 穿梭係小巷之中的Offline Cafe 有現代的藝術也有國畫的展覽! 點擊圖片放大 嚟到呢邊有個後花園, 佢哋對藝術就冇咩興趣, 玩石頭反而好高興! 無意中發現有一棵白色聖誕樹! 呢度係洗手間既外圍, 被木板圍住感覺好大自然 行番出去見到其他展館, 但係我哋冇時間逐一睇啦, 因為我哋要去下一站, 已經預約好的親子餐廳 下一站>>CLICK HERE! [親子旅遊] 台北宜蘭 DAY2 MOOOON SPRING CAFE & PLAY 點擊圖片放大 Photo by CANON 5D Mark III, Len | EF 35mm f/1.4L USM 點擊圖片放大 呀劍評分: 9分 呀劍評語: 華山1914文化創意產業園區 簡介 在2005年底結合舊廠區及公園區的「華山創意文化園區」重新開放供藝文界及附近社區居民使用至今。轉型之後便並針對周圍環境景觀進行改造，將園區規劃為包含公園綠地、創意設計工坊及創意作品展示中心的創意文化園區，目的在於提昇國內設計能力、國民生活美學，提供一個可讓藝術家交流及學習，甚而推廣、行銷創意作品的空間。 地址 100 台北市中正區八德路一段1號 交通 忠孝新生站1號出口步行約5分鐘 開放時間 每日 09:30~21:00 園區服務電話 : (02)2358-1914 FAX : (02)2358-1262 網址 http://www.huashan1914.com/ 展覽名稱： 小王子特展 主辦單位：華山1914文創園區、聯合報系 展覽時間：2014.12.20~2015.03.15，每日10:00~18:00(17:30停止入場、除夕休館) 展覽地點：華山1914文創園區 東二四連棟 (臺北市中正區八德路一段1號) 票價資訊： 單人票280元(不分成人、學生) 愛心票140元(65歲以上長者、身心障礙者之必要陪同者一名) 上面兩種門票都可以免費使用"聽見小王子"情境故事機！記得一定要用喔！ 免票：身心障礙人士本人憑證、未滿6歲或身高未滿115公分之兒童(須由成人持票陪同) 客服電話：02-86433955 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
