Snoopy係我哋童年時既卡通偶像, 佢最風光個次都算係McDonald食餐拎公仔, 睇住D人為咗隻公仔,嗌個餐然後掉哂落垃圾筒, >.< 今日嚟開沙田順道帶佢哋嚟睇吓, 等佢哋知道除咗米奇老鼠之外其實仲有其他卡通人物 今日同呀仔去拎獎! 咩獎? 只係知道係一個畫畫比賽, 參加個比賽仲要俾錢佢tim, 真係識賺錢, 好在拎到個優異獎, 如果唔係真係俾錢出去仲要冇獎拎, 因為我哋平時好日都唔會出沙田, 所以拎完獎就順勢過去NTP(New Town Plaza)度行一行, 然後行埋去平時成日經過但係冇行過去既Snoopy Land! 一入到門口就見到有第一個影相景點， 其實我由細睇到大，都唔係好知佢哋每個角色個名，但係無所謂啦！ 佢哋好鍾意坐埋去同佢影相，不過個位真係細過頭囉，你睇吓連Hysan都差少少唔夠位坐。 Shutter Speed | 1/100 s Aperture | f/6.4 ISO/Film | 2000 跟住行入去冇幾耐就見到哂成個環境，右手邊就係一架巴士同遊樂場，左邊有得坐船仔，幾過癮(又係最多人排隊玩得幾分鐘個d嘢囉) 佢哋第一時間當然衝咗上架巴士度，跟住我見佢哋好耐都唔落番嚟，原來上巴士裡面係有冷氣架！我一知道之後都即刻跳上去， 因為呢日實在太過熱啦!~ ~ ~ ~ 點擊圖片放大 +4 跟住就到我話最多人排隊既坐船仔，因為芊芊未夠秤坐所以只可以行埋一邊睇， 佢一路話好想坐好想坐，我只有轉移視線，同佢兩母子影咗幾張相後就即刻帶芊芊離開現場，同佢去影吓相， 佢一見到d巨大POPS就好開心攬住佢哋影相，仲掀高埋件衫俾人睇tim... 最後同佢哋2個係遊樂場玩咗陣，俾佢哋放埋最後少少電跟住就入番去NTP度食吓嘢就走，我最驚多人.... 如果今日唔係嚟拎獎，真係唔會嚟，因為我有商場恐懼症！ 點擊圖片放大 Photo by CANON 5D Mark III, Len | EF 35mm f/1.4L USM 呀劍評分: 3分 呀劍評語: 如果鍾意史諾比的朋友就俾多3分佢啦，如果唔係再加上咁熱既天氣，真係好想快d走！ 呀劍貼士: 冇咩貼士，如果有，都係想講唔好玩太耐！ Snoopy Land簡介 其實佢正確學名係史諾比開心世界Snoopy's World(世界真細小小小)，只係一個有齊史諾比角色既遊樂場 地址 沙田新城巿廣場外主題公園 交通 沙田港鐵站 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
