今日星期二(中秋翌日假期)我哋今次山長水遠咁番咗我(外家)附近的鰂魚涌柏架山郊野公園, 當然這個公園沒甚麼特別,只係因為就番屋企人,次次都係佢哋入嚟元朗搵我,而我又好少同佢哋可以BBQ,所以今次辛苦少少都過嚟玩! 由於推住BB車既關係,我哋係山腳就的士上去,即係公共圖書館及室內街巿個度, 但係的士只可以上到一半,因為之後係禁區唔俾車輛駛入,我以前細細個成日街呢座山,都發現唔到, 於是我哋要推住芊芊一步一步行上去,最辛苦係因為條路好斜,我哋唯有慢慢行! Shutter Speed | 1/200 s Aperture | f/5.6 ISO/Film | 100 沿路見到巨大蜘蛛,又停一停係度慢慢睇, 跟住見到有松果,Hysan又係度執,之後有好多黃牙果又跌咗落嚟, 所以佢又一路跌一路行,玩吓玩吓就上到去 Shutter Speed | 1/300 s Aperture | f/6.5 ISO/Film | 200 好在佢哋搵到個有樹蔭既爐,如果唔係真係曬死人! 小朋友都係執吓樹葉樹枝,我哋就忙於餵芊芊食飯,根本都冇時間坐低燒嘢食! 跟住芊芊又喊又扭計!真係忙到成頭煙... 之後攪掂哂佢哋又到Hysan話要去大! 最後終於可以食少少嘢同飲嘢抖一抖,佢哋就可以同堂哥玩冰,大家互掉... 玩得好開心,連芊芊都玩埋一份,其實燒烤場上面有個大平地(沿路去洗手間就會見到)個度可以打吓羽毛球踢吓波, 有個小攀架俾小朋友玩!其實都冇咩特別,如果唔係住喺附近都冇理由山長水遠過嚟BBQ! Shutter Speed | 1/100 s Aperture | f/2.5 ISO/Film | 200 Photo by CANON 5D Mark III, Len | EF 35mm f/1.4L USM 呀劍評分: 10分 呀劍評語: 10分唔係因為個環境, 而係在於同邊個燒, 可以同伯伯同嫲嫲佢哋一齊燒嘢食係好開心 呀劍貼士: 燒烤場沿樓梯上去有個洗手間,算乾淨唔臭! 柏架山簡介 喺香港島東面, 佢係島上第二高山，排喺扯旗山後(唔check都唔知), 大部份被劃入大潭郊野公園, 受郊野公園條例保護, 總之算係一個受監管被完善管理的山,唔怕有危險!行開行埋都有D漁農處職員! 地址 鰂魚涌柏架山道 交通 港鐵鰂魚涌站A出口(即太古坊出口)向東行至鰂魚涌街,沿柏架山道上(即公共圖書館及巿政室內街巿旁) (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
