今日去一個遠遠既半日遊 媽咪喺網上搵到一個士多啤梨水耕種植工作坊 所以報咗名俾Hysan嚟體驗吓 我哋朝早同嫲嫲係apm附近嘆咗個早茶 然後我哋就咁行過去牛頭角嗰邊 搵吓呢個地方 去到樓下見到呢款舊式升降機 Hysan覺得好新奇!!! 上到嚟先登記然後坐喺裡面等齊人 你睇吓呢個超冇耐性既Hysan 等嗰一陣間已經咁既樣! 跟住到正式開始啦 佢先開咗個 ppt 然後 project 出嚟同大家講解咩叫水耕 但係講咗成20分鐘.... 大佬....全部都係 4-6 歲既小朋友 甚至有D係得嗰 2 歲妹妹 你唔好話佢哋呀 連大人都聽到打哂喊「怒」 而且個哥哥又講得一D都唔生動! 之後終於可以埋位試吓種植士多啤梨啦! 跟住佢叫咗一大盆士多啤梨苗出嚟 然後大家揀一棵插係預先放好的人造泥上面 但係其實呢堆苗係已死的士多啤梨 有D睇佢個樣根本就救唔番咁 靚既就俾人一早揀哂 我哋唯有揀棵死死地既苗 希望佢可以起死回生啦! 點擊圖片放大 攪掂之後就小休5分鐘 我心開始覺得有少少被昆既感覺 我望一望時間表睇吓之後有咩節目 最後呢個環節係「烹飪時間及試食」 抖夠後就埋位 噢NO! 原來係一齊整沙律 同我十幾年前係Pizza Hut 嗌個自助沙律吧自己砌沙律有咩分別 咁樣叫烹飪..... 根本同士多啤梨完全冇關! 還好.... Hysan自己砌咗個人樣出嚟 叫做有少少發揮創意之類咁玩吓 烹飪時間完咗 就到所謂「試食」既時間 點擊圖片放大 直正水耕種植既房間 係嚴禁內進 我哋只可以隔住塊玻璃睇 仲要係自己食完嗰碟沙律跟住冇嘢做拎轉身裝吓裝吓 成個過程冇專人講解裡面既所有設施喎! 點擊圖片放大 簡單嚟講個課程內容係: 1. 水耕士多啤梨種植技巧 - 坐喺度睇咗20分鐘ppt!!!!! 2. 士多啤梨種植工作坊 - 每人派一個盆, 放D沙石, 再揀棵枯苗插落個盆度!!!!!!!! 3. 烹飪時間及試食 - 自助沙律吧, 自己砌完再食落肚!!!!!!!!!!!!!!! 真係唔好再報Baby Kingdom既活動! (或者大家要睇清楚先) 之後好在夜晚番嫲嫲度食飯 食番餐勁勁勁正既鮑魚餐!!!! 點擊圖片放大 +4 Photo by CANON 5D Mark III, Len | EF 35mm f/1.4L USM 呀劍評分: 3分 呀劍評語: 5個字「搵笨」!!! 士多啤梨水耕種植工作坊 簡介 每年的12月至翌年4月是士多啤梨當造的最佳月份; 雖然現已踏入夏季，為了讓各位有機會學習士多啤梨水耕種植技巧，同時亦可學習認識不同種類的蔬果，餘樂植物工廠首次為您舉辦此課程，讓大家一起實踐環保學習的理念! 地址 觀塘勵業街5號振業工業大廈6樓 課程日期及時間 (暑期七月期間限定) 星期六 下午 2:00-3:30 及 下午 4:00-5:30(請報名前參考最新資料) 費用 個人報名-每節$120 網頁 http://www.baby-kingdom.com/ 電話 2103 1360 / 3460 4686 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
