一個平時好少機會會去既地方 - 粉嶺, 今次我哋去鶴藪村裡面既綠田園基金會, 真係聽都未聽過, 如果唔係媽咪上網報咗名我都唔知, 呢個活動好特別, 俾小朋友去體驗農夫生活, 有得去嘗試插秧! 點擊圖片放大 +2 點知番到屋企又OK喎, 佢肯同我一齊去農場, 當然一路行我哋就和好如初啦! 我哋搭276巴士由元朗20分鐘就到咗上水, 之後我哋搭咗一個站東鐵再轉的士 (後來我先覺得好傻, 應該係上水就搭的士唔駛煩), 總之搭的士入去用咗15分鐘度, 沿途經過八仙嶺郊野公園燒烤場, 跟住見到漁護署鶴藪管理站就落車, 對面就見到綠田園基金農場, 但係係一個欄鐵閘, 我都唔知算唔算係一個入口, 跟住諗住打開個閘, 點知係鎖住, 跟住再發現原來隔離有個窿係可以直接行入去! 點擊圖片放大 因為天氣好差, 有少少雨粉, 於是我叫Hysan不斷祈禱唔好落雨, 我哋行咗5分鐘, 入到去裡面, Hysan一路話好驚, 其實都有少少架, 因為一路都冇咩指示牌話點行, 後來聽到人聲, 就問吓人, 跟住知道落腳地方之後, 見到今次負責呢個活動既職員阿強叔! 有好多人遲到 >.<, 我哋只有周圍行吓, 影吓相, 見到有隻羊, 同佢影咗好多張, 因為佢有條好長既繩綁住, 等到齊人之後我哋就先開始整芝蔴糊, 強叔先教我哋磨碎芝蔴! 點擊圖片放大 +2 真係好難磨, 磨好耐先得少少, 跟住最後都要交俾甚他職員仔去處理同埋佢拎哂去煲, 呢個時侯我哋就落去個田度插秧啦! 強叔示範完之後叫小朋友可以落去, 個個都唔敢, 有D就落咗去發脾氣同喊, Hysan一D嘢都冇, 覺得好好玩, 最後連成個人都坐埋落去, 係附近另外有D旅行團嚟參觀, 大家見到Hysan都好好笑, 因為得佢一個好似游水咁係泥度行嚟行去, 坐嚟坐去! 超正 點擊圖片放大 +4 最後拎住條水喉同佢沖涼, 乾淨哂之後就坐係度等食芝蔴糊! Hysan唔係好鍾意食, 我就食咗2-3碗, 真係滑D, 同埋香D, 仲有冇咁甜! 好似好健康咁 點擊圖片放大 最後離開個陣咁啱見到有的士經過, 就出去搭的士了, 佢有專線小巴52B! 當然咁多人一齊走就可能要等多1-2班了 Photo by Camera | LEICA D-LUX 6 呀劍評分: 7分 呀劍評語: 可以咁RAW我就俾高分, 不過始終都係一個上網報既團, 同埋教人既強叔都唔係專業, 所以整芝蔴糊同插秧既安排都麻麻地, 唔係個個都望到示範! 如果可以Walk-in就更加好! 呀劍貼士: 1/ 最緊要帶齊毛巾防曬, 帶多1-2套衫褲替換! 2/ 廁所都係農場STYLE污糟D, 唔方便帶BB去 3/ 因為係插秧, 一定要著水鞋, 如果唔係你對鞋就冇LU 綠田園基金簡介 綠田園基金園內所提供的活動大致有三個系列：有機耕種系列、綠色飲食系列和生態漫遊系列。 地址 粉嶺鶴藪村 18 號綠田園基金 交通 專線小巴15-20分鐘 電話 2669 0737 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
