好耐都未嚟過澳門喇,自從幾年前我同老婆嚟影靚相之後,到生咗Hysan後都未嚟過, 今次同埋公公婆婆表哥一家一齊嚟玩3日2夜, 行程 Q立方 > 大潭山滑草場 > 澳門科學館 我哋一早買咗船飛,但係我要自己一個搭船去, 因為我要搭後補位,公公婆婆同老婆呀仔呀女就一架船, 但係最後我都快過佢哋到酒店,今次我哋住Holiday Inn,一入到間房,老婆話好大臭味, 小朋友就唔理咁多一於跳床,因為要跟老婆schedule所以我哋即刻落去金沙城度睇卡通巡遊, 點擊圖片放大 點知落到去已經話完咗,老婆好失望, 不過d卡通人物仲係度可以同佢哋影相, 好開心可以同功夫熊貓同埋荒失失奇兵影相, 跟住我哋影完相就開始去下一個地點 - 童夢天地playground, 點知裡面裝修緊,所以我哋就去威尼斯人酒店度行吓街食飯,沿路見到架好長既車... 跟住又見到條美人魚,Hysan起初以為係真人! HAHA 雖然好似一開始就唔係好順利咁,但係去到威尼斯人酒店,老婆記得呢度都有一個類似的地方可以俾小朋友玩,威尼斯人酒店的歷險Q立方-QUBE, 結果係裡面玩咗好耐,1個小朋友連1個大人咁買飛,公公婆婆同工人就去行街, 我哋差唔多玩咗1個鐘,跟住再去食飯! 裡面最勁就係有個4-5層樓高的大遊樂場,好似迷宮咁,行到最高就可以玩這個滑梯,用麻包袋包咗下半身滑落去,真係好刺激! 仲有呢個成個人瞓落去滑下去一大個波波池度! 點擊圖片放大 +2 媽咪同芊芊就係BB場度玩吓積木同皮球! 呢個地方好大,仲有得打機同埋呢個氣墊球機, 兩老表就係呢度玩得超開心,不過張枱太大太高,2個唔夠高玩! 之後我哋就去咗food court食嘢,一罐可樂成$20好貴呀! 我哋求其食D嘢就番酒店,番咗去之後仍然覺得有臭味, 之後老婆嘈到佢哋換過間房俾我哋,好正呀,換咗間好大既房,有1廳1房架,一張超大床!不過我就瞓廳,佢哋4個就瞓大房! 下一站>>CLICK HERE! [親子旅遊] 澳門 Macau DAY2 大潭山滑草場 威尼斯人酒店的歷險Q立方 呀劍評分: 7-8分 呀劍評語: 仲之大人如果想休息吓或者你唔知去邊想打發吓時間, 呢個絕對係好地方! 係進化版的playhouse! 最欣賞係每個滑梯都職員姐姐睇住照顧住, 當然太細個既小朋友大人跟埋一齊玩好D! 地址 威尼斯人南翼套房5F 營業時間 09:30~21:30 電話（853）8118-8890 / 8118-8891 門票價格 MOP 100 / 2HR（平日），MOP 110 / 2HR（假日）, 一個小朋友可由一位成人免費陪同, 超過時間以每小時MOP 50收費 交通 Bus 15、21、25、25X、26、26A、N3到連貫公路/ 威尼斯人 備註 室內必須要脫鞋以及穿襪子 否則拒絕進入 更好的介紹 http://www.kahnmacau.com/2014/11/q.html (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
