今日跟埋朋友仔去到屯門山景邨 摘龍眼呀! 嘩真係成棵樹都係.... 呢頭摘嗰頭就食...好過癮好原始呀! 我哋今日番完教會 下晝就坐埋朋友車 去到山景邨沿小路上山 到一個涼亭落車 一落車已經超多蚊 仲好大隻 所以大家一定要著長薄衫長褲帶定蚊怕水蚊貼等防蚊措施 大家要自行預備交剪 我哋喺出發前喺園藝種植既舖頭買咗一把 我買咗把唔平唔貴中間價錢既交剪 因為呢D嘢唔敢買太平 驚會有危險 一定要陪住你既小朋友一齊用 其實龍眼樹枝幹唔係太粗 其實普通交剪都得! 因為唔知呢次用完幾時再用 Hysan 自己已經邊摘邊食 根本連交剪都冇用 就咁用手暴力抆! 仲識得分享請我食tim... 點擊圖片放大 +3 大家都不停摘好似唔駛錢咁!! 跟住曾叔叔爬上樹上面去摘其他成熟既龍眼 佢一兩下就已經可以爬到上樹頂 好似隻馬騮咁快...好勁! 點擊圖片放大 Hysan 戴住個頭盔 佢又想爬上去棵樹度摘! 嘩跟住曾叔叔拎住把超長既交剪 將樹上既龍眼剪落嚟 然後叫小朋友接過去 Photo by CANON 5D Mark III, Len | EF 35mm f/1.4L USM 呀劍評分: 8分 呀劍評語: 真係邊摘邊食, 感覺味道都好新鮮! 雖然有少少辛苦, 又熱又多蚊, 但係要俾小朋友體驗一下, 唔好成日都去冷氣地方, 要俾佢哋知道需要付出才有收穫! 地點: 屯門 山景邨 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
