科學館今次呢個展覽我哋期待咗好多, 對於我寫BLOG嚟講, 唔係第一手到場參觀其實有點兒輸蝕, 不過我都係希望可以寫BLOG之餘, 同家人享受旅程先係最重要! 所以我哋差唔多4月先至嚟科學館這個恐龍展! 唔知第4定第5次嚟科學館,平均差唔多1年都會嚟一次, 當然都會睇番個期有咩主題值得嚟啦,今年有恐龍睇,仲要有我「劍龍」份,就算小朋友唔嚟我一定要嚟啦 今次因為真係好吸引既關係,排隊買飛都要排到出去天橋, 不過俾我想像中快,差唔多20分鐘都已經排到入去可以買飛了, 但係條隊咁快我都估到冇好嘢=>就係佢好快又放人入去,雖然分批入,但係肯定都超多人, 我哋其實排隊之前都有周圍影吓相,因為係最出面已經有條勁長頸既恐龍係出面俾人影相啦! 呀妹抱住foggy又影一張 聞名不如見面,呢張就係同我一樣名既「劍龍」,呀仔梗係要同老豆影番張! 入到去館內有好多唔同種類既恐龍,有D仲識郁,個頭拎吓拎吓都幾有過癮! 起初好驚呀妹會被嚇親,好在佢又唔驚喎 抱住香港人「到此一遊」既精神,梗係同每一隻都影番張相啦,恐龍既介紹就唔多睇lu... 因為太多人喇,跟住你都唔係好可以停得係度,要焗住行... 點擊圖片放大 呢隻有個冠既恐龍,原來佢最鍾意偷人哋隻蛋食! 再行去前面有一套講恐龍絕種既小電影,大概5分鐘度, 同呀仔睇呀3次佢先肯走,最後出到去就叫做睇完個館, 之後行去另一邊都有好多恐龍化骨展出 點擊圖片放大 +3 完咗之後仲有時間又可以同小朋友上去最高層兒童天地玩吓! 跟住係老尖食番個靚TEA! 心情都靚哂 Photo by CANON 5D Mark III, Len | EF 35mm f/1.4L USM 呀劍評分: 7分 呀劍評語: 呢度都足夠可以玩1個鐘之上, 再加埋科學館既原設施都可以玩大半日架! 不過到你睇到呢個網誌既時侯要睇番嗰個時侯做既咩主題 科學館 簡介 內容涵蓋科學和技術方面。和傳統的博物館不同，香港科學館鼓勵參觀者們親身參與和探索展品。對於小童而言，是個予教於玩的好機會 地址 地址： 香港九龍尖沙咀東部科學館道二號 開放時間 平日 及 假期 上午場 09:30 – 14:00 下午場 15:00 – 19:00 票價 標準票價 港幣$ 25； 學生，長者和殘障人士 港幣$ 12.5； 週三免費入場 交通 搭乘東鐵/地鐵線在尖東站/尖沙咀站下車。P2出口出站，跟隨指示前行大約5分鐘。如果你在紅磡附近，可以考慮從東鐵紅磡站的D1出口前往暢運道。再沿著科學館路前往歷史和科學博物館。 電話 27323232 網址hk.science.museum 電郵 enquiries@hk.science.museum (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
