挪亞方舟係我一直都想嚟但係又遲遲都未嚟過既地方, 因為個個朋友都同我講冇咩做,我就想嚟見一見架大船同埋影張招牌相! 直到今次有個機會公司有得買挪亞方舟buffet既優惠券,所以可以順便嚟呢個地方! 我哋好早去到,睇吓時間表第一個節目就係小白兔講故事, 原來隻小白兔係咁既樣~ 原來只係一班小朋友係裡面聽姊姊講故事, 唔知係咪講故事既都係parttime,所以好似唔係好專業, 剩係講俾坐最前個d小朋友聽咁! 聽完故事同佢哋影番幾張相之後, 點擊圖片放大 表哥就嚟到啦! 我哋先去醫飽個肚食lunch buffet先! 不過要同表哥一齊係門口影番張到此一遊照先! 個buffet我覺得幾好食,環境又靚!不過最遺憾係冇生蠔囉,其他嘢係lunch嚟講我覺得都OK好食 小朋友就對buffet冇咩興趣，只係掛住想畫畫！ 之後食完就係附近周圍影吓相咁,佢D動物POPS都整得幾靚,有D好似真! 點擊圖片放大 +5 跟住我哋入咗去船既3-4樓望吓!呢層係有好多間不同益智遊戲的房, 整體都係行到入每間房望兩望就走,可嚟可唔嚟! 不過唔嚟就真係冇咩做,叫做有粒鍾俾小朋友係度玩吓積木咁囉! 最後停留咗喺呢間玩積木既房裡面最耐！ 點擊圖片放大 +3 最後出番去門口附近的遊樂場仔玩吓影埋相就走了, 其實真係冇咩太值得嚟,佢哋真係要搵番多幾個有實力既Service Provider合作先得 最後番去個兒童遊樂場玩多陣就離開lu.... 點擊圖片放大 +4 Photo by CANON 5D Mark III, Len | EF 35mm f/1.4L USM 呀劍評分: 5分 呀劍評語: 因為真係冇咩嘢玩，如果唔係嚟食個buffet, 同埋為咗同班動物影吓相, 就真係可以唔嚟! 呀劍貼士: 所以我建議大家如果嚟都係連埋buffet一齊會比較好, 個失落感會冇咁大! 挪亞方舟簡介 挪亞方舟係一個模彷聖經中的挪亞方舟外型設計, 以教育關愛等概念經營的主題公園, 配合鄰近的馬灣公園, 帶來blablabla...抱負與使命!(講真係都最緊要好唔好玩囉!) 地址 新界馬灣珀欣路33號 交通 巴士 (NR330, NR332, NR331) 等等 電話 3411 8700 網址http://www.noahsark.com.hk http://www.noahsark.com.hk/tra/venue1a.php (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
