今日我哋去咗天水圍消防局開放日, 其實係新界區周不時都有消防局開放日, 大家可以上網留意吓佢哋開放日期, 免費入場, 一入場就即刻同番架消防車影相先, 呀妹都嚟番個招牌笑容! 再嚟多個招牌笑容! 呀仔最鍾意開車, 見到架消防電單車就即刻去排隊, 點知一上去到, 原來呀仔咁細粒架咋喎, 我行開幫佢影相都有少少驚佢會跌落嚟! 跟住出到去露天操場, 有幾個唔同既攤位, 其中一個係講解急救, 可以俾小朋友嘗試幫假人做急救, 不過個哥哥唔識管理秩序, 好亂好多小朋友霸住係前面唔肯走, 攪到呀仔好難先逼到入去! 排咗其中一個攤位拎到個吹氣斧頭...好開心, 猛咁斬我! 點擊圖片放大 +3 最後我哋入番去有蓋地方去排隊入救護車參觀, 有哥哥係裡面講解救護車既設備, 呀妹就係度周圍攪, 唔知亂撳咗咩!....驚驚 點擊圖片放大 Photo by CANON 5D Mark III, Len | EF 35mm f/1.4L USM 呀劍評分: 6分 呀劍評語: 如果放假有咩時間得1-2個鐘頭都可以不妨嚟參觀吓, 不竟小朋友成日係街度見到救護車同消防車, 可以入車內參觀佢哋都係好開心既 地址 新界天水圍天河路1號 電話 2448 0664 (以上資料更新至文章當日) ---------------------------------------------------------------- 網誌全文 http://kimfamilytravel.blogspot.hk fb專頁 https://www.facebook.com/kimfamilytraveltips ----------------------------------------------------------------
