去韓國又係搵任食韓牛?! Out啦!! 小編今日睇韓國飲食IG發現新大陸!!! 而家興食雙拼任食!!! 哈利~~ 係長腳蟹同韓牛啊~!!! 如果鐘意食蟹同牛既朋友就一定唔可以錯過啦~ 一次過滿足晒兩個願望!! 仲可以多左個quota食多間餐廳~ 係咪超正先!! 呢間餐廳位於首爾市8號線石村站(석촌역) 附近,叫做 拍掌大笑 (박장대소) 個名都幾搞笑,可能希望個個客人都食到拍掌大笑!!!哈哈哈~~ 廢話少講,睇相先~ CR: 박장대소 CR: 박장대소 CR: 박장대소 官方照騙一定吸引,我地又睇下真實韓國食客既相啦~ 不得了~仲要係炭爐烤!!! 我至愛炭爐烤肉!! 媽啊~~睇相都已經留晒口水啦!!! 真係好正囉~ 如果以上都滿足唔到你既胃,又或者想食得韓國Style啲~~ 可以另外點水冷麵同拉麵~ 拉麵加蟹!!!@@ 好多韓國人食完烤肉都會叫冷麵既~ 佢地覺得烤肉+冷麵係絕配!! 一熱一冷!! 爽~ 其實....唔通冷麵可以下火??!XD 餐廳資料: 店名: 박장대소 拍掌大笑 電話: 02-423-1592 地址: 서울 송파구 오금로 152지번송파동 48-13 營業時間: 11:30 - 23:00 價目表 (只作參考): 無限Refill套餐 A Set - KRW29,900/ 人 韓牛 + 牛肉刺身 + 蝦 + 豬腳 + 炭燒肉 + 糖醋肉 + 煎餅 + 炸物 + 年糕 B Set - KRW34,900 / 人 韓牛 + 紅蟹 + 牛肉刺身 + 蝦 + 豬腳 + 炭燒肉 + 糖醋肉 + 煎餅 + 炸物 + 年糕 紅蟹拉麵 KRW4,000 冷麵 KRW2,000 前往方法: 8號線石村站(석촌역) 2號出口 步行約12分鐘 (Tips: 喺蠶室站搭多一個站就係石村站) 利申: 小編未食過,但下次返鄉下會去食XD 如果有朋友食過,歡迎feedback返俾我知好唔好食!! 我的Facebook專頁: 我的泡菜假期 - 分享韓國日常,吃喝玩樂等~ https://www.facebook.com/koreaholiday (久久不更新,但如果有大家的支持,我會有動力update page同blog!!!!哈哈哈~) 如果有興趣學韓文,亦都歡迎大家睇我另一個page!! 偶爾學韓文:https://www.facebook.com/koreanote 請大家多多支持小妹~~^^