最近忙到教都無得訓 今日終於有時間可以打返篇正野俾大家 好多人都聽過韓國人會食狗肉呢個傳聞 其實係真既,佢地叫呢樣野做補身湯 詳情唔介紹,總之大家去到韓國千祈唔好叫錯補身湯呢樣野 其實食呢樣既人都係上左年紀既老一輩 後生新一代好多人都好愛護動物 好似好多韓國情侶依家都好中意去貓狗cafe拍拖咁 我同泡菜男都唔例外,我地可以係嗰度消磨一日既時間 韓國既貓狗cafe只需要俾大概4000-7000won (HK$28-HK$49)既入場費 就會包一杯飲料同埋可以係入面玩一日 韓國貓狗cafe唔似得香港嗰啲,入面大部分都係無食物提供 另外如果大家想餵貓狗,佢地都會提供寵物零食俾大家選購 為食既貓狗一聞到食物香味,就會蜂擁而上,係咁跟住你,好得意 有一次去既狗狗cafe入面仲養左隻豬,我咁大個女第一次咁近距離去接觸生豬 最得意係隻豬同啲狗相處得好融合,真係估唔到 我覺得韓國貓狗cafe感覺唔會好商業化 嗰度啲主人會好用心去照顧每一隻小動物 每隻貓貓狗狗身上面都好乾淨,而且真係定時餵食 Feel到佢地好錫每一隻小動物 呢樣係我好欣賞佢地既地方 點擊圖片放大 介紹幾間近旅遊景點既貓cafe俾大家 中意貓貓既人一定要去下 啲貓貓真係好得意,又唔怕人 弘大 고양이다락방 홍대점 서울특별시 마포구 홍익로6길 21(동교동 162-14) 營業時間: 星期一至五 1PM-10PM 星期六日 12PM-10PM 弘大地鐵站9號出口轉左直走,見到Etude House右轉就到 江南(*極度推薦 十粒星) 고양이다락방 강남점 서울특별시 서초구 서초대로77길 9 營業時間: 1PM-10PM 江南地鐵站10號出口轉左直走,見到Chicago pizza嗰楝大廈就到 **我去親既狗cafe都唔近旅遊區,所以唔介紹俾大家,想知就inbox我:)
