係韓國返黎之後都好忙 又要返工,又要交收,又要接order 都唔得閒update呢嗰page 趁今日放假,一定要打返一篇好野俾大家 大家都知韓國人係一個能歌善舞既民族 基本上就連普通人唱歌都唔會話走曬音,太難聽 因為佢地成街都係K房 平時放完學又唱,食完飯又唱 我識既韓國人之中大部份都會一個星期至少唱一次K 泡菜男都唔例外,佢每次都會唱好多hip hop歌 當正自己big bang咁,有機會我一定會upload佢啲歌喉出黎俾大家欣賞下,包你地一定笑到反肚 我次次都忍笑忍得好辛苦 而大家知唔知道K房既韓文係咩呢 就係노래방 你地去開韓國既時候可以留意下,真係成街都係노래방 比較出名既有"秀",弘大都有分店 韓國既K房都會有中文歌,不過全部都係普通話歌 有興趣都可以去試玩下,價錢一啲都唔貴 不過就唔似得香港咁會提供飲品同食物 除左노래방之外,仲有一種叫노래빠 就咁睇韓文係咪好似呢 所以上次泡菜男話要去唱K既時候,我就約左佢係屋企附近既노래빠門口等 佢黎到之後嚇左一跳 原來노래빠都係用黎唱K既,不過就係男人既天堂 即係有少少似香港既夜總會 大家如果係去搵K房唱K的話,一定要分清楚노래방同노래빠, 如果去錯左就真係幫你唔到 點擊圖片放大 小kimbap http://www.facebook.com/iamkimbap *廣告時間* 小kimbap合作韓國代購 Morning Tea ig: morning_teaa Facebook page: http://www.facebook.com/morningteaa
