大家成日都話韓國啲野食全部都係又辣又熱氣 好似炸雞,部隊鍋,海鮮湯咁 唔食辣既人去到韓國可以點算,會唔會無啖好食? 唔洗驚,等小kimbap介紹一下其中一樣唔辣既韓國菜俾大家 登登登登~~ 就係菜包肉,韓國人叫佢做보쌈 係韓國好多地方都可以食到 而係弘大入面就有一間66年歷史既菜包肉보쌈店 叫做돈코보쌈 佢既豬肉真係好有口感,而且肉汁豐滿 我覺得可以拍得住濟州豬肉既口感 店入面既菜包肉有兩款 一款係辣炒蔬菜烤腸菜包肉 另一款係雜感菜包肉,入面會有鴨胸,豬肉同韓國人好中意食既血腸순대 小kimbap兩款都試過 如果你食得辣既話就一定要食第一款,啲烤腸炒得好香,配埋豬肉加菜,口感一流 第二款都好好味,鴨胸同豬肉都做得同樣出色,好有肉味,同平時係香港食到既豬肉完全唔同味 而且呢間食店配菜都好豐富 有薯仔,葱煎餅,年糕等等 同韓國友人食完後都一致覺得蒸雞蛋呢個配菜好有驚喜 外表普通,但食落好重蛋味同好滑 估唔到連呢啲免費既配菜都做得咁出色 如果大家食完之後都仲有胃既話 可以叫埋呢個飯煎餅밥전 平時泡菜,海鮮煎餅就見得多 飯煎餅真係第一次見 煎得好香而且一啲都唔油 價錢方面,一人分量15000won 即係100港紙左右 最少要叫二人份或以上 我地三個人都係叫左二人份再加一個飯煎餅都食唔曬,所以真係好抵食 至於點去,呢間食店距離弘大鬧市有少少距離 可以係弘大入口3號出口一出直行 見到prince coffee就向左轉,之後一直直行 當中要過一條馬路,過完之後都係直行 之後再見到一條馬路既左手邊對面就係呢間食店 大家亦都可以上Google map copy以下呢個地址就可以搵到點去 돈코보쌈생고기 서울 마포구 연남동 568-38번지 South Korea, Seoul, Mapo-gu, Yeonnam-dong, Donggyo-ro 27-gil, 568-38 小kimbap http://www.facebook.com/iamkimbap *廣告時間* 小kimbap合作韓國代購 Morning Tea ig: morning_teaa Facebook page: http://www.facebook.com/morningteaa
