又是時候講下韓國之旅啦‧‧‧:-D 今次想同大家分享東大門購物好去處！ 購物方面： 東大門分兩個區，一為零售區(綠色)，一為批發區(紅色)！ 兩個地區是相連的，只係需要步行大約十分鐘就可以去到另一邊啦‧‧‧ 首先講我認為最多野買，而且價錢最抵既當然是批發區啦， 批發區內有多個商場，但多數都不理會零售的客人，只有少數是會的。 會做零售，而且價錢最平，服務質素最好的就是 11 apm (大約在黃色箭咀所示的地方) 那裡還有一間叫Hello APM，大家唔好去錯呀！ 它賣女裝之餘，還有數層是售賣男裝的，我地既男朋友就無藉口話韓國無野岩佢地啦;-) 佢地開價好合理，唔會當遊客係水魚咁劏！所以大家可以放心買， 不過我諗佢地賣既款係新D，所以你在明洞或梨大見到既衫， 呢度就應該搵唔到啦！ 提提大家：請大家晚上10點至1點期間去行， 因為過左呢個時間佢地做批發就唔會理我地嫁啦！ 而零售區方面， 東大門零售區的三個商場我覺得應該中午來行就最好， 因為夜晚佢地成日擺空城計:eek: 提提大家：呢度買野最緊要講價，一開始起碼要殺價一半！ 如果唔係你就俾人劏啦！ 到走既時候，有3點大家要記住： 1. 記得死都唔好上黑色或者橙色的士。 2. 避免凌晨1點半前走，因為繁忙時間無論係咩色既的士，他們都是會挑客的。 3. 避免星期六日去東大門，因為更難截車。 咁就唔怕做水魚同無車番酒店啦！:-D
