自從開始化妝之後，我就開始試唔同既卸妝產品， 不論係卸妝油、卸妝乳、卸妝水、定係卸妝啫喱，我都有試過！ 買之前我都會盡量搵下有冇sample，費事唔岩用就哂錢啦！ 今日想同大家分享下那些是我覺得值得回購，那些我認為係無用既！ 黎張大合照先！(現有存貨) 而家就由我覺得最好用既開始講先啦！ 第一位：Fancl Cleansing Oil 已經回購過6支啦，雖然佢好用， 但係又會心思思想試其他，所以買埋買埋就買左咁多款啦！ 但係每次用過其他之後，又會重投Fancl的懷抱，哈哈！ 因為不論係頑固既眼妝定係底妝，佢都係卸得最乾淨！ 而且又唔會"葉" 眼，用完都唔會乾:yes: 但係佢成日加價 :reallyangry: 第二位：Bobbi Brown Cleansing Oil 呢支係Sogo減價時買set送的，唔會"葉" 眼，用完都唔會乾， 但係相比起Fancl，我覺得佢頑固卸眼妝方面就差少少啦。 因為兩者價錢差唔多，所以我會選擇Fancl， 除非有set裝賣啦，因為會抵d，咁就買得過啦:-D 第三位：Dr Wu VC亮白舒緩卸妝乳 係朋友去台灣買給我的手信，我不嬲都係Dr Wu 的fans， 不過只鍾情玻尿酸保濕系列:-P 用完覺得原來呢款都唔錯喎:shock: 有驚喜！ 唔乾之餘仲覺得幾潤，而且都係唔會"葉" 眼， 唯一唔好就係落唔到防水mascara :no: 以下係我覺得都唔錯，大家可以試下既！ JUJU Cosmetics 保濕卸妝乳 (已用哂，無相) 呢個真係平價之選，我覺得佢比好多大品牌都要好用！ 防水Mascara都落到，因為心理關係，總覺得油會乾淨D， 但係如果鐘意卸妝乳既人一定要試下呢支啦！:-D Shiseido Perfect Face Cleansing Oil 呢個又係去Shiseido買野送既，我上網睇香港好似冇得賣?:-) 上網睇台灣有得賣，計落港幣200蚊， 唔會"葉" 眼，唔會好乾，底妝落得乾淨，因為我用導出機測試過， 呢個價錢其實幾抵用，普通眼妝都落得幾乾淨！:yes: Bioderma 紅水 其實都唔錯，幾乾淨，但係有少少乾，同埋"葉" 眼， 所以平時我都係用佢黎做導出，因為效果比用其他出色， 仲有平時我畫眼線出左界，就會用棉花棒加少少紅水一抹， 條眼線即刻正常番！:dance: 以下係我覺得唔值得買既： IPSA Cleansing Cream Ex 我覺得有少少"葉" 眼，而且防水眼妝完全落唔到， 但係落底妝都好乾淨，因為我都用導出機測試過， 用完唔會好乾，但係呢個價錢我一定唔會回購啦！:dazed: Shu Uemura Cleansing Oil 好彩有支試用裝試下先，唔係就中招啦 又"葉" 眼、又乾、落得又唔乾淨， 諗住用多幾次唔好浪費啦，點知搞到生粒粒， 我都唔明點解人地覺得佢咁好，我覺得佢係垃圾， 護膚品呢樣野果然係人夾人。:struggle: Biore 深層卸妝油 之前睇D blogger講到幾勁幾勁， 點知原來係又"葉" 眼、又乾、落得又唔乾淨:sweat: 好彩係平野，唔係就心痛死啦！ Kanebo Lunascl Point Make Off $90一支，好快就用完！ 我覺得落得唔係好乾淨，而且都有少少"葉" 眼， 而且用耐左都係覺得一支過既卸妝方便D， 所以唔會再回購lu！ 仲有DHC同埋SOFINA既卸妝，我個人認為都係唔好用的！
