我口中的天使是一班救救元朗 "籠貓" "籠狗" 的熱心義工，頂著惡劣的環境，出錢出力拯救 "籠貓" "籠狗"，悉心照顧牠們。 "籠貓" "籠狗" 原本係 d 流浪貓狗，元朗有位女士唔忍心見佢地流浪街頭，於是收養佢地。50 幾隻貓狗被圈養係一個只有 200 呎的狗竇內。 呢位女士雖然係出於好心，但超出個人能力範圍，無錢交租，無錢買糧食，又打理不善。攪到呢班 "籠貓" "籠狗" 好慘，除左要捱肚餓，仲同屎尿一齊訓。 我可以想像到有幾臭! 我屋企三隻小豬呵臭臭都臭到屋外，因其中兩隻永遠無手尾，唔會用沙蓋住佢地 d 臭臭。50 幾隻貓狗一齊 d 臭臭同尿尿, 唔敢唸 ~_~ 好彩有班天使出現，"籠貓" "籠狗" 生活先得改善。 https://www.facebook.com/GeoTheHero#!/events/504246502954008/504247912953867/?notif_t=plan_mall_activity 以下係其中一位天使 Fion Lam 的說話: 呢堆我所講的說話就係我一路瞓唔著一路想講俾人知我呢短短數星期在照顧籠貓籠狗的感受和心聲，當日早上我還是要返工，在一早起身由一位女仕帶我去到場門外與業主交涉，因為業主堅持搵漁記，在我用了个幾鐘說服下終於肯俾我入地睇下環境，我行到狗房外已聞到一陣陣悪臭同貓狗的叫聲，穿過一堆堆高過我個頭垃圾堆，地上的屎尿四處都係，我心想今次一定很長手尾，當我終於行到狗狗面前，我見到狗媽花妹被一條重重的鐵鏈緊緊的帶在頸上，後面有個四呎爛了的籠，籠內四隻小狗b，都係瞓在屎尿當中，翻開一張張的帆布，遮住的都是狗狗，個全部籠內都是屎尿，沒有水更沒有糧，糧碗內都是屎尿，看到個個都好不友善地吠吠吠，我望到感覺很痛苦，心裡問人，都不在這地方生活，点解要這樣對牠們，到轉身到貓房，老實說我本身怕貓的，但我都不忍心，都入去，見到好多好多貓，不停叫，不停走黎走去，很怕人，望望地下都係屎尿，臭氣滿室，擺水的碗都發黑有蟲了，貓咪餓到食木梯的木，報紙也食，完全不禁想像這個是什麼地方。。。。我下午決定找人幫手，報館登出街後很多人黎幫手大清潔，我地日日清，足足清了个幾兩星期才叫有路出入沒有垃圾，當大清那才，我人生第一次見到咁多老鼠更是第一次捉住老鼠，我以為係一堆爛布一手執起，會動的，望一望手原來係一隻大老鼠，嚇呆了不敢郁，再望不望腳下，到少有十隻有兔子般大的老鼠都抬頭望住我，不禁令我大叫了，真係想流淚，不停有好多昆蟲曱由走出來，我真的嚇瘋了，幸好咁多天都有一班好好的義工入來幫我合力執到好好好好朝淨。。。真係，令我好好好好好好感動。。。。仲有下集，明天同大家講洛把吖
