05 / 10 / 2012 星期五 下午五點零到香港國際機場，先到 Jet airways 捷達航空 Counter 辦理行李寄艙；座位就係早一晚 Web Check in 時劃左。 話說 Web Check in 時 有 d 手忙腳亂，揀完第一程機位後，快手快腳按左 Submit，咁就衰左啦!!! 我仲未揀第二程機位既呢 ~_~ (我地唔係坐直航機) 。唸住唔怕，可以返轉頭再揀過，但原來係唔得咖。要等第二朝打電話去 Jet airways office 搵職員幫手 released seats，先可以再揀過。煩~~ 六點九左右去到 Gate 43，七點幾左右開始 Boarding，七點四十五分準時起飛，讚!!! 七千幾蚊機票連稅連雜項既飛機餐，估唔到又 Okay wow，糖醋魚甜甜酸酸味道岩岩好，個炒飯 Okay；至鍾意係個甜品朱古力西米，好味道!! 黃色個包小食，唔肚餓可以唔食，麻麻地，少少 spicy 同脆。 座位方面闊落又舒服，尤其係 61 A & C，呢兩個係尾位又近 Toilet，但放心，無臭味。空中服務員個個都好 Nice。 晚上十一點幾飛機到達孟買，落機坐 Shutter Bus 去機場，然後搵 International transfer Jet airways counter， check 機票跟住 Security Check。 到我既時候，個關員問我 Name tags 呢? 咩 Name tags 我一頭霧水。 關員指住我 d 袋，原來係 Counter 時要拎 d name tags for 每一個袋，填名、flight no、地址。好彩個關員好好人，比左兩個我，等我唔使出番去拎~~ 上機時佢地會 check 1 check d name tags 有無蓋印的，所以記住一定要拎。 跟住 d 袋過 X-ray 又有問題，原來係 d coins (來回程都 Check d coins ~_~)，都唔明有咩問題。去個程我唔知，放左個銀包係好入，摷左好耐先搵番出來 Show 比佢地睇，回程時我醒左，一早放定出來比佢 Check ^^V
