2026年8月8至8月17由香港到悉尼在自駕遊去到墨爾本飛返香港第一次去到呢兩個城市今次換到國泰機票 凌晨機岀發，去到悉尼就朝頭早11點幾，又可以玩足一日，大約九個鐘頭飛機機程 悉尼交通其實好方便，機場有鐵路可以去到我入住的酒店，大約15分鐘就到不過我太早啦，去到都係1點幾，未有得入住，唯有先去旁邊的咖啡店，食少少嘢飲杯咖啡 One Global Resorts Sydney呢間酒店就喺Green Square地鐵站旁邊，非常方便間房仲好大，煮食設施齊全，又有洗衣機乾衣機，非常之正，我訂嗰時1000多少少港幣1晚，非常舒服點擊圖片放大 入住完之後就急不及待咁就出去遊覽吓坐幾個站就到Circular Quay, 去到呢度就好似香港坐天星小輪咁樣，拍卡就上船，坐差唔多10分鐘左右，就去到對岸的Luna Park, 即係喺 Harbour Bridge下面落船喺船上可以睇到雪梨歌劇院，悉尼港灣大橋，其實都好值得坐一次點擊圖片放大 +3 我選擇係港灣大橋行一次，喺橋上可以睇到歌劇院景色，成個海港都睇到 行返去歌劇院嗰邊睇返港灣大橋，難得嚟到，影到天黑 晚餐去左 Pancakes On The Rocks呢度出名係食pancake同埋豬肋骨個人認為性價比幾高 夜晚影多張打卡照😉 去左一間好岀名的咖啡店食早餐Toby’s Estate Coffee Roasters佢哋啲咖啡曾經攞過第一名 今日就去咗悉尼大學參觀同埋拍照影相點擊圖片放大 其實都好多遊客特登過嚟呢邊影相，地方唔太大，行一行影下相半小時左右就可以了 影完相就去咗Sydney Fish Market呢度都算係新開，裏面都好乾淨，我哋就叫咗一個海鮮拼盤食，坐喺室外慢慢食，不過要小心上面嗰啲雀仔，佢會過嚟偷食 呢日天公不做美，有點下雨，所以都早啲返去酒店休息，住喺澳洲好處係有廚房，今晚就買個羊架返去酒店房間煮嚟食，又平又好食 第三日，就出發去Blue Mountain一日遊，我就選擇咗鐵路過去，大約坐兩小時，喺Central Station坐過去，其實跟住Google Maps都好易搵到，坐到 Katoomba Station 站就可以，一岀去就有巴士坐 第一站我去咗 Echo Point Lookout 先，同三姊妹影過相，然後就去咗旁邊個咖啡廳食少少嘢先呢度係最佳望到三姊妹石嘅觀景台 紅黃藍纜車都玩過，最刺激就係紅色纜車，風景都唔錯，都好值得過嚟 都係求其喺景區餐廳入邊食個炸魚薯條，醫下肚就算啦，然後就要沿路坐返巴士，然後再坐火車返番悉尼市區 返返嚟市區，去咗Blu Bar on 36, 喺大廈高空望吓悉尼港嘅夜景，不過可惜坐吾到最靚嘅窗邊位，只能夠望另一邊 然後都再去多一次，睇吓悉尼夜景，再影多次相，因為係最後一晚係悉尼了然後明天就開始自駕遊之旅，由悉尼沿着海邊揸車去墨爾本
