Day 6 今早又無熱氣球升空本身係呢個位可以安排Private Full 土耳其早餐 Set, 都被迫取消了只好食個普通早餐呢間酒店早餐位其實都幾好，夠曬大 都係食食下會有貓走過黎呢度貓貓不怕人 食飽就岀發去格雷梅露天博物館要注意係露天，真係好熱 成個博物館係睇以前d人住係山洞的建築，有教堂，有廚房，有生活的地方 山洞入面又真係幾涼快 行大約1個小時都夠了 下一站去到烏奇沙城堡喺呢邊最高嘅山 我用正常步速行，大約10幾分鐘就上到山頂，過程其實唔太辛苦，上到山頂就同土耳其國旗影吓相 一望無際的景色好值得上黎 之後揸車去到Three Beauties三枝凸起的石頭，睇得太多呢啲已經睇到冇乜感覺，好似到到都差唔多 再嚟就去到駱駝岩，都係一啲奇形怪石，不過都幾似 行完返返市中心，呢度有條免費地氈樓梯，位置就係喺Henna Hotel旁邊好多人都喺度影相 今晚就入住第三間洞穴酒店Divan Cave House今晚入住呢間有啲迫，不過都乾淨企理 Day 7 等到第三日，終於有熱氣球啦4點要起身，五點前就要上山等熱氣球起飛，都係去返個個山頭，遠處已經望到了，感動 睇到遠處的熱氣球，慢慢升起點擊圖片放大 有好多都飛到超級近，由五點睇到差唔多6:30左右，成個天都係熱氣球 遊客照就少不免 返到洞穴酒店上天台繼續欣賞呢間酒店個天台都係一樣非常靚地方都好大 今次嚟呢幾日，咁啱就係熱氣候節，有好多特別嘅氣球會放上天 食埋喺卡帕多奇亞最後的早餐今日呢個酒店早餐係3間中最好的 仲喺呢度識咗兩隻黑色嘅狗狗，完全唔怕人，早午晚都見到佢哋喺度，每次返酒店佢哋都會熱烈歡迎我 然後要同呢架車say Goodbye去開塞利機場飛回最後一站伊斯坦堡
