Day 4離開安卡拉，準備前往出發卡帕多奇亞，本身諗住參觀凱末爾紀念館同Kocatepe Mosque，但因為冇位泊車就放棄咗 揸咗大約兩小時，就去到一個中途點圖茲湖，呢個係一個好大嘅鹽湖因為而家夏天，所以啲水都蒸發咗，得返白濛濛一片 望落去一望無際，都幾適合打卡影相 大約下晝四點幾，終於都到咗格雷梅入住我哋第一間洞穴酒店Luvi Cave Hotel房間唔係好大，但係應該有嘅都有 呢間個天台都唔錯，景觀好開楊 呢度都有土耳其咕𠱸的天台 由我哋酒店出發步行去呢個山頂觀景台都係大約10幾分鐘路程，呢一個土耳國旗星星月亮都係打卡重點喺個山頭上邊已經好多人喺度等緊睇日落 喺山上可以見到遠處嘅城堡山頂望晒整個格雷梅的景色 其實山上都有椅，比大家坐喺度等，不過數量唔係太多，亦都有賣飲品的店舖 夜晚嘅景色另有一番風味，建議大家真係要抽一晚時間過嚟睇 日與夜的格雷梅 Day 5 今日天公不造美，今日冇熱氣球升空冇辦法欣賞熱氣球的美，咁就瞓晏少少，食返一個簡單嘅早餐 喺呢個市入邊有好多呢啲賣地氈的店舖，都係傳統土耳其地氈 瞓醒就去食個土耳其all day Breakfast去咗呢間Mado都係西式all day breakfast 好d 然後入住今次第二間洞穴酒店Henna Hotel三間入邊最滿意呢一間個房，冷氣最充足，不過呢間冇停車場 個天台我都幾滿意 今日有人病咗，要喺酒店午睡休養，唯有自己四圍行吓，喺條街度嗰邊有好多賣土耳其紀念品，賣土耳其燈的店舖，唔少得有個格雷梅打卡位點擊圖片放大 尋日睇唔到個太陽，今日自己再上山欣賞，再睇埋另一邊的山景色，一條條白柱真係好特別的景觀 今日晚餐食返西式İnci Cave Restaurant佢都算係一間洞穴餐廳上網有人推介就嚟試吓，味道係好食嘅
