今次由法國巴黎出發，飛去伊斯坦堡大約3.5小時，都係坐返土耳其航空，玩九日八夜 坐土航出發，飛巴黎架飛機都幾大下午4點飛機，去到伊斯坦堡到夜晚8:45啦第一晚喺機場附近休息一晚Fly Point Airport Hotel不過不失，正常酒店 Day 2一早就去食返個土耳其早餐喺酒店樓下食，味道OK啦 係 enterprise 租左架車，呢6日都靠佢啦，坐位都幾舒服然後就駕駛5小時，去蕃紅花城 揸咗三個鐘之後去到中途站休息係時候食返個午餐，叫咗呢個土耳其連鎖店嘅Pizza，個Pizza有三款味道都幾好食，食完之後再揸多兩個鐘車 長征完，終於到左，呢度最大特色就係鄂圖曼帝國時期的小鎮建築感受一下土耳其小鎮的風味 呢度比較出名嘅，就係土耳其咖啡Arasta Kahvesi 1661去咗呢一間，出邊環境幾好呢度飲下咖啡，輕鬆一下 趁天未黑，日落時間，最啱就係上山喺小鎮步行上去希德爾立克山丘，都只係幾分鐘路程上邊可以望晒整個小鎮 呢度都一樣四圍都係貓，大部份都好友善 夜晚食吓土耳其烤肉Tuzcuhan Restaurant去咗小鎮入邊呢一間，未叫烤肉就嚟咗好多配菜，但都唔係好啱胃口呢間店就不過不失啦 呢晚就入住呢間酒店Cesmeli Konak Garden四百幾蚊一晚，不能要求很多但係老闆好好人，土耳其人都好友善早餐一般，但係都有貓貓過嚟陪食早餐，食飽飽就出發3小時去安卡拉 Day 3今次架車有少少阻滯，要拎去維修，好彩冇乜大礙，維修期間，就去咗呢一間專食燒雞翼的店KANATÇI TARIK BBQ價錢其實好平，土耳其食嘢完全唔貴燒得都幾好食 土耳其氣溫真係唔講得少，而家八月都有30幾度，可以用好熱嚟形容，咁就要去coffee shop買杯嘢降溫嚟咗呢間網紅咖啡店Lugat Kitap Kahve環境整到成間書店咁，啱晒喺度休息點擊圖片放大 我今晚住的酒店旁邊就係安卡拉城堡除咗城堡都有少少市集，都係賣啲土耳其特色嘢，上到城堡上邊可以睇晒成個安卡拉市，日落上嚟就啱啦冇咁熱 Divan Cukurhan Hotel今晚入住呢間酒店，樓高兩層房間夠晒大，好舒適
