Day 3試吓巴黎麥當勞早餐同香港比較，選擇非常之少得個三款包可以揀今日全日去迪士尼樂園嗰邊玩坐迪士尼A線過去我哋先去嗰邊個outlet睇一睇 午餐就食少少韓餐 我哋大約12點就入去玩，因為預計睇埋煙花都大約11點，呢邊有兩個園區，我哋買咗$1000港幣左右可以入晒兩個園 園區入邊好多嘢我哋都玩咗淨係幾個項目有過山車，有遙控車，睇咗冰雪奇緣show，其實最主要都係諗住睇煙花，巴黎迪士尼樂園冇 Duffy & Friends, 都仲係以米奇老鼠為主 我城堡感覺香港嗰個比較大 今次去係夏天，差唔多10:00先天黑真係有排等 今次呢度有埋無人機配合表演，加埋一齊好睇好多，滿足地離開了 Day 4 今日Citywalk瞓醒先嚟呢一間餐廳食啲嘢呢間係出名啲平民餐廳Bouillon Chartier 叫咗油封鴨，蝸牛，仲有個肉味道就可以啦，不能要求更多了 食飽飯步行去聖母院，睇吓呢個建築，入去嘅人龍非常之長 又沿住塞納河慢慢行，欣賞下兩岸風景 行過百貨公司就入去睇一睇入咗呢個莎瑪麗丹百貨，頂樓幾有feel ，咁就拍一張 行到攰攰地，咁就去食一個閃電泡芙L'Éclair de Génie Café門面細細，但係幾好食嘅 下一站去到老佛爺百貨去到頂樓可以睇到巴黎歌劇院全貌上到頂樓其實都幾多人，仲可以遠眺巴黎鐵塔 等到差唔多五點羅浮宮都已關門，咁就去到嗰邊影吓相，就冇咁多人 典型遊客照 行返出去塞納河旁邊，遠眺奧賽博物館，見到好多人喺度遊船河 Food Breizh喺塞納河旁，食返個當地鹹嘅可麗餅食過一次就夠啦 然後再行返去戰神廣場，巴黎鐵塔嗰邊，今晚要欣賞埋巴黎鐵塔的夜景 夜晚閃閃發光有另一種感覺 今次真係日夜都去晒啦，喺巴黎的最後一晚，明天就坐飛機去土耳其！
