Day 3第三日嚟到今次行程嘅重點旅程就係去北漢山國家公園睇紅葉一早做好功課，預計來回需要一整日 我哋今次從北漢山城探訪支援中心出發，沿途經過大西門直上白雲臺，來回用咗五個鐘頭要去到探訪支援中心，最方便就係去到三號線舊擺撥站，然後再轉20分鐘巴士 山下面有白老師咖啡店，喺呢度食個麵包飲杯咖啡，然後就準備出發 沿住馬路直走就會見到呢個牌，喺呢個牌左邊就係上山 上山路段遇到三隻小狗佢哋都好乖 行大約半個小時斜路左右就會到達大西門，再行多10幾分鐘就會到達中途的洗手間，嗰度有販賣機 經過咗洗手間之後的山路開始難行但係越上得高紅葉就會越來越多山路有時要手腳並用，如果要嚟真係有心理準備 雖然我去嘅呢個時段未開到最紅最燦爛，但係都已經好靚 不斷行上山，大約半個小時左右就會去到呢一個觀景台，呢個觀景台係我覺得開得最靚嘅地方 再繼續上山，向白雲臺方向進發，差唔多到頂嗰陣就可以回望整個首爾市 去到最高點就係白雲臺836米，呢度都係打卡位 旁邊仲有一支韓國旗，上到山一個證明，由山下面直到上嚟呢一度，我大約用咗三個小時 望返下便啲山全部都係紅黃綠色三種 其實上山嗰個路段好危險，一定要手腳並用，而且要平衡力好好 當日我上到山都差唔多已經四點，要準備落山啦，如果唔係天黑都返唔到落去，喺上面望埋夕陽點擊圖片放大 落山途中，見到太陽射落啲紅葉度好靚，又留低拍咗幾張其實落到山都已經天黑晒 夜晚就去食燒鰻魚補返啲腳骨力Day 4最後一日朝頭早就去咗天空公園 呢度最主要係睇芒草同埋波波草，呢度啲芒草真係成個公園都係，所以係絕對唔驚影唔到嘅 至於呢隻粉紅色波波草，就只係得門口呢一堆，我去嗰陣係星期日非常之多人呀之後去弘大行吓街就坐夜機返香港整體嚟講今次最重點行程北漢山睇紅葉天氣好好，我都好滿意
