第一天一早岀發去清邁坐UO 0755 機，去到差唔多10:00拎完車就出發去尼曼1號 你上網介紹呢一間餐廳Kiew Kai Ka, 食泰國嘢米芝蓮餐廳 環境唔錯，當日我下晝12點左右去到唔需要等位 今次叫咗幾款泰菜點擊圖片放大 +3 有咖喱軟殼蟹，燒豬頸肉，豬油渣炒飯，椰子雞湯全部都好好味，埋單都係二百幾蚊港幣 食飽飽就喺尼曼1號入面行街，呢度地方其實唔係好大，上面嗰層係好多泰國服飾，鞋，小精品等等，行大約一至兩小時就差不多了 行到咁上下去咗Homm WAN 食榴槤 我哋兩個人叫咗一個榴槤刨冰有幾舊真榴槤肉喺度，配合埋刨冰，好好味！推介大家嚟食 然後回酒店check in 休息了呢間Bella Nara 酒店勝在近尼曼1號，步行大約10分鐘就到 Day 2 一早自駕大約40分鐘，嚟到 Pong Horse Park, 騎馬兩小時，穿越叢林河流，2400泰銖每個人，另外加1000泰銖影相服務1小時點擊圖片放大 今日天朗氣清陽光好好，呢度有好多隻馬，佢會根據你高度體重而配給馬匹給你 頭半小時先會喺場內慢慢踱步，等馬匹熟習你，然後先會出去漫步 沿途都會有工作人員照顧，確保大家的安全點擊圖片放大 +4 攝影師會指導我哋擺各種姿勢，沿途會拍下我哋馬上的風姿 玩完馬匹，今次就試吓去呢一間洗頭加按摩的店，叫Day Dream Sleep Salon玩125分鐘，1290泰銖，包括洗頭，肩頸按摩及腳部按摩，過程好舒服，係一個好好嘅體驗！ 按摩完就去醫肚，今晚晚餐去咗食任食大頭蝦餐廳 Kung Yim, 我哋選擇咗699任食，大頭蝦有好多款選擇，我哋每樣點左少少試一試，亦都有炸魚，魷魚及其他海鮮選擇，保證食到飽
