2024再去旅行，第一次去日本四國旅行，主要係玩四國西部，難得喺櫻花季到處去賞櫻🌸今次係自駕遊今次都係坐返香港快運航空出發飛高松來回，時間都幾好2人來回連稅20kg行李一件$4700HKD27/3 UO642 0940/14105/4 UO643 1530/1830今次行程如下Day 1 高松Day 2 金刀比羅宮 大步危Day 3 祖谷藤蔓橋 高知城 仁淀川Snow PeakDay 4 池川茶園 引地橋の花桃 下灘站 道後温泉Day 5 松山城 毛巾美術館Day 6 島波海道單車遊Day 7 天上鳥居 紫雲岀山Day 8 小豆島 寒霞溪 銚子溪 小豆島橄欖公園Day 9 栗林公園Day 10 回香港Night 1 JR克萊門特高鬆酒店Night 2 Sunriver ObokeNight 3 Snow Peak Ochi Niyodogawa Camp fieldNight 4 古湧園遙旅館Night 5 JR 克雷緬特INN 今治Night 6 四國中央露櫻酒店Night 7-9 Hotel Wing International Takamatsu Day 1 岀發 0940 , 呢個時間吾早吾晏，剛剛好 轉眼就到達，個機場好細，國際線應該得一個閘口 今次自駕遊，下飛機就拎左車先，第7日先還車，租車連油費大約8萬 Yen拎完車就回酒店Check in, 返到去都5點了，酒店就在高松站旁 温度都凍凍地，去附近食碗拉麵見到呢間咁就試吓 味道真係吾錯，價錢仲好平，呢度都係1800 Yen食完就回酒店休息 Day 2 一早就揸車去麥當奴，佢話一定要食日本先有的早餐，係個包皮似我地香港熱香餅咁的包，都吾貴，兩個餐1200 Yen左右 駕駛一個鐘去金刀比羅宮，上去之前要去1300級樓梯，不過旁邊都係商店，一路行一路睇，好快就到 有小小櫻花，當然不能錯過，拍一拍 去到最上就係正宮，慢慢行，中間點養左兩隻神馬 神馬1 神馬2 好快就上到正宮，有個金字，點都拜一拜 抽個靚籤，有個吉字都係好 行到攰去食個甜品休息下 不過不失啦 食完之後，回程的路上 揾到一棵幾靚幾粉然後就岀發德島縣的大步危 今晚就住呢間温泉酒店Sunriver Oboke 包早包晚私人風呂房 有浴衣供應 可以用古式古鄉嚟形容 呢個私人浴池都幾大，坐4個人都得又有保温功能，爽 晚餐日式 不錯，食到飽 Day 3 食完早餐出發去祖谷藤蔓橋講真，條橋冇乜特別 到此一遊 下一站 到左高知城今次去到櫻花未開好多，好多都係含苞待放 今日天氣好影下高知城 呢棵算最靚㗎啦，開得最多 跟住就去弘人市場醫肚，喺高知城步行幾分鐘就到，試吓呢個高知特產飲品 食埋呢面最出名的鰹魚食飽就出發去今晚的Snow Peak 營地 都係第一次去日本住 Camp呢個地方位於仁淀川 呢度有間 Snow Peak 專門店，無帶就可以係呢度買 Snow Peak 迷要黎了 今晚我就book 左呢d 屋仔住連埋bbq set 25000 Yen 左右 旁邊有個大草地空間俾人帶營黎 房間對住岀面條靚河，好Chill 房間細細，但好舒服 租左佢地個BBQ set，不過食材就要自己另外買入黎 要去駕駛7分鐘的市內買，去左松田精肉店買肉，3份國產和牛300g，1份國產豬200g，都係2000幾Yen 今晚去，無乜人，10個房，連埋我得2個房有人租，舒服 Day 4 訓醒就食早餐，簡單一塊餅，一杯咖啡☕️ 自己咖啡自己煲 呢度都有櫻花樹，可惜都未滿開 30分鐘車黎到池川茶園 得蛋糕，布甸，雪糕等 叫左三樣野，一路食，一路欣賞美景 靚景 忍唔住要影好多張了之後要繼續上路 下一站引地橋の花桃呢度差唔多開左7成，有白有粉，好靚丫 成坐山都係 是但影一張都係明信片 揸左2個鐘車去愛媛縣，去到西邊的下灘站，今日天色一般，試埋呢邊岀名的柑橘汁 呢個係最近海邊的車站，貌似千與千尋的場景 可惜今日天色不是藍天白雲 今晚住係道後温泉個面，享受下温泉 晚餐去食愛媛縣出名的鯛魚做晚餐呢間松山鯛魚喺度下溫泉商店街入邊 松山鯛魚飯 宇和島鯛魚飯 兩款鯛魚飯各有特色，建議兩樣都叫嚟試吓 Day 5出發去松山城尋櫻 買來回吊車上山 坐呢一款吊車都幾好玩 上到去都勁多人，櫻花樹只係開得三成，唯有同松山城影個相 上到嚟食埋你呢個橙味雪糕啦 都可以望晒成個松山市的美景 下一站去到今治市毛巾美術館今治最出名就係毛巾 一場嚟到，點都要俾錢入場參觀 同啲線轆影都幾特別 成個展覽都唔大，行大約半個鐘都行完，今次收穫到小小毛巾 今晚就食呢間白樂天，係今治市都岀名，燒豚玉子飯，價錢實惠又好食 Day 6先去來島海峽大橋觀景台 一陣就踩單車上呢條大橋 先去租單車，今次係 Shimanami 租 租4000 Yen 電動單車 準備岀發 沿住指示上大橋，向大島一路踩過去 呢條島波海道其實好長，但我今次只踩一小段，目標去龜老山展望公園 去到大島有補給站，買支可樂飲吓先 順便食個釣魚漢堡 個補給站都係一個打卡位 最後上到山，差唔多5點幾了 可以望到晒來島海峽大橋 日落係最靚嘅然後要開車去四國中央市的酒店 Day 7朝早揸車上天空鳥居，成個山吾大 坐係度望風景，Chill 到此一遊照 Book 左1點鐘去紫雲岀山，不過今日多雲天陰 有晒指示，有晒秩序，慢慢上山 今日只開得3成，多數都係含苞待放 如果全開，應該真係會好靚，可惜 呢張係二號停車場位拍 呢個已經開得最靚了 二號展望台 途經丸龜城都有少量櫻花樹岀發前往高松了 還完車，順便去高松城玉藻公園行一行，原來開得最靚係呢度 差唔多係滿開了 夜晚去步行街呢間，夢路居酒屋 最岀名呢兩樣夢肉塔，牛舌 都幾淋，個汁都好食 賣相滿分，味道也不錯 Day 8 小豆島之旅今日下雨天，但係都無阻我哋去玩 架船好大，大約坐一個小時就會到，我地坐9點船，下午5點半回程 租完車，就前往寒霞溪，本來見天氣唔好又下雨都費事上去，但原來今日係纜車61周年有八折優惠，咁就上埋去啦 坐纜車途中都見到白濛濛，呢度紅葉季黎應該是最好 一如預期咩都睇唔到，唯有打張卡就算啦 上到嚟食埋個橄欖牛漢堡就走啦 然後揸車去銚子溪，成個場得我地 呢隻猿都攬住個仔縮埋一舊 全部猿上晒去避雨 可以100 Yen 買麵包餅乾餵佢哋，呢度啲馬騮都算斯文 有曬佢地分析的圖 最後去到四點幾冇乜雨啦，去小豆島橄欖公園影返呢張相，好彩有兩個外國人借到掃把，借埋俾我哋影 5:30坐船返去高松港，去食呢度好出名的骨付鳥，去呢間老字號一鶴 味道可以，但吾知係咪因為我叫母雞，D 肉有D Un 吾係好貴，一試無妨 Day 9 最後賞櫻地，栗林公園 熱左幾日，呢度都差唔多滿開了 最後拍返個地標照 午餐食呢間橄欖牛扒，肉山 套餐吾貴，抵食 賣相精美，食完就行下購物街 最後一晚晚餐去呢度，牛之匠 店面高級，但其實就吾算好貴 我叫左五種橄欖牛，極品特厚牛舌，橄欖豬，牛肝，茶漬飯 埋單8千幾，好食 Day 10最後一個早上，去食呢間烏冬麵呢間舖頭下午兩點就收工 最後叫咗兩個牛肉烏冬，一件可樂餅一件雜菜天婦羅婦，1200 Yen 左右 食完就出發去機場了今次嚟到日本四國，玩足四個縣(德島縣，香川縣，愛媛縣，高知縣)想睇更多我的旅遊相可以去我instagram : kiki_cheung10
