今次夏季旅行，選擇了韓國見到UO有特價 13xx 來回去程 0715 ，回程1035玩足咁多日了Day 1 南山塔Day 2 江村鐵路單車Day 3 休息日Day 4 春川 LegolandDay 5 星空圖書館 漢南洞Day 6 弘大 新村Day 7 江華島山坡滑車 華蓋山 紡織復古咖啡店Day 8 弘大影証件相Day 1 岀發 上機呢日好好天，藍天白雲 去到首爾我選擇坐機場快綫，40分鐘直達首爾站，去到即場買飛就得了，不過要留醫時間40分鐘先有一架車 座位都幾舒服，全部劃晒位，唔怕冇位坐 今次就住明洞，去到就醫肚先，去食神仙雪濃湯 一個餐萬幾won, 都好好食 坐窗口位，幾正 食飽就上南山塔，步行去坐纜車 係klook 買定飛 坐呢架上山 今日天氣好好 一上到去望到 有好多愛情鎖 我都要掛反一個了 呢個就係我個鎖頭 今次就上塔頂睇風景 睇到夜晚了 個廁所都有打卡位 等到夜晚了 去返明洞夜市掃街，呢個芝士辛奇卷五花肉，都10000 won 食埋芝士餅，4000 won然後返酒店休息了 Day 2 開始遠征春川經清涼里坐京春線過去金裕貞站係清涼里食個午餐有生牛肉伴食，全州伴飯 明洞過黎都差唔多一個半鐘，呢個站都幾有特色 黎玩江村鐵路單車，買左架二人車，245蚊 有兩隻靚狗狗看門口 玩大約半個鐘，都吾係好辛苦 同d 單車影下相 去春川市酒店的路上，俾我見到幸運彩虹🌈 嚟到春川，一定要去春川明洞一條街食春川炒雞，是但入一間就得了，好味道 Day 3 原本打算去Legoland, 但咁岩打風，全日下雨，決定休息一天，午餐就係附近食烤肉，叫左好多野食，全部都好好食 Day 4今日個天好返D , 無下雨，可以如常去Legoland, 係春川站坐接駁巴士，就係呢架啦 有埋時間表，45分鐘一架車 終於黎到啦，係正門口下車 成個樂園都吾算大，我就坐升降遊覽機睇曬全園個景先 有好多用Lego 整的韓國風景 好多設施都係小朋友玩為主 影相地方都好多 坐下小馬 酒店就係樂園門口，都係好細玩左4個鐘就走了，坐返2個幾鐘車回明洞 夜晚就去左食個土豆排骨湯Day 5岀發去星空圖書館，位於三成站 是但入左間小店醫下肚 食完就去睇下書 等左好耐，終於有位俾我坐下，慢慢睇 睇完書就去左東大門個邊，就去試下陳玉華一隻雞，食完就吾值得要我排一個鐘了 經過東大門設計廣場 飯後甜品去食雪冰 食個限定蜜瓜冰 成隻蜜瓜上，好好味，16000 won , 夠兩個人食了 Day 6去弘大的943 Cafe, 打下卡 叫左個香腸套餐，都好大份，食完都飽到死 四圍都打下卡，任打 我早去，大把位，無乜人，差唔多走個時就好多人 有樓梯位影相 咁就食完個午餐了食完就係弘大，新村四圍行下街 去到新村近䔧大，發現到呢間有透明菲林相可以影 5000 won 就有兩張了Day 7今日就安排包車一日遊 揾左呢間，包車包司機，4人車20萬 won , 玩10個小時 兩個小時車終於到華蓋山 本來想坐單軌上去天空步道，可惜要等兩個小時，去吾到了 係下面有好多相框比遊客打卡 呢度環境都好靚 個公園都幾大，其實可以步行上山，但太熱了 司機帶我地去食烤鰻魚，話呢面好岀名，就試下食，果然好味 仲有好多小菜，食呢餐都食咗110,000 Won 跟住就去江華島斜坡滑車啦，今次我哋玩三次，38000 won 一個人 一人一張票 坐吊車上山 帶埋頭盔玩呢部車 上面風景都好靚 下面就係今次要玩的賽道 開頭會有人教點玩呢部車，所以完全吾需要擔心 個度有兩條賽道，一條容易，一條困難，好有速道感，好好玩，好值得黎 最後一站就去紡織復古咖啡店，以前係紡織廠，有好多復古物品 四處都係寶物 又係打打卡時間 係度打發時間都好好，重點係冷氣好舒服 飲下咖啡慢慢Chill 不過時間有限，逗留一個鐘又要返去市區了 車我地返去弘大，食醬油蟹，呢間係當地人食的，38000一人份 呢度就二人份量，都幾新鮮 成個套餐了，食到好飽Day 8 最後一天了今日要影下証件相了去左弘大一間，朋友介紹名叫 Studio Photobi 一套影曬，加埋3萬 Won都吾錯，執完相都好似我 最後食埋呢個詹姆士芝士排骨就回家了 拉絲，都幾好食ge 又完左一個旅行了
