小弟 28/4 - 3/5 吉隆坡來回香港 晚機去，下午機反 今次飛機行程 28/4 Air Asia 1815-2210 HKG 去 KUL 30/4 Air Asia 1940-2045 KUL 去 LGK 3/5 Air Asia 1250-1400 LGK 去 KUL 3/5 Air Asia 1640-2035 KUL 去 HKG Day 1 夜機去，回酒店休息 Day 2 吉隆坡一天遊 Day 3 馬六甲一天遊 Day 4-5 蘭卡威 Day 6 中午機回程 第一次坐Air Asia, 因為我係背包客，所以又吾洗寄行李上機 架機都係細機黎 飛到去都差吾多11點，因為delay 左少少 一岀去要岀反市區，我選擇坐KLIA Ekspres 一岀到去跟指示牌就可以了 佢有分兩隻，Platform A&B A就快d，B就多幾個站，當然價錢貴少少 去到KL Sentral 差吾多35min 反到去都係時候休息，完了第一日 第二日一早岀發去batu caves temple , 中文叫黑風洞，去個度可以睇下d寺廟 去到batu caves 站一落車就見到 呢個就係大門，要行上d樓梯上去，都幾高下架，要有心理準備 入面有個睇蝙蝠的洞，要收費入場睇，所以我無去 岀面好多椰子灘檔賣野食及飲品，好平下，我都飲左好多， 建議係呢度都係玩一個小時都夠 之後坐反鐵路岀反去KL centre 去左 Cenral Market 行下街睇下有咩買 入到去有兩層，多數賣d紀念品，飾物個類野 感覺真係好似女人街賣個類野，行一個小時都夠架啦 行完個market 之後，步行到附近獨立廣場 個度有個 l ❤️KL , 可以影張相呃like 旁邊有個旅遊中心，呢個地圖可以一眼睇曬有咩景點 呢度就係獨立廣場，其實就無咩睇，係有一大片草地，俾太陽曬住，真係熱到傻 行到咁上下坐uber 去食肉骨茶，去左呢間好出名ge新峰 呢個係二人份量，無記錯就$17馬幣，好抵食 夜晚就決定去Sky Bar 欣賞雙子塔夜景 Sky bar 係KLCC 樓上 當日入場費$50 馬幣，包一杯飲品，不過得好少選擇，都係普通cocktail 中間有個池，幾好feel 好似落左club 一樣 呢度望反岀去睇雙子㙮，飲住野欣賞下都係不錯選擇 第三日一早岀發去馬六甲半天遊 因為坐巴士要差吾多3,4小時 決定call uber 去，都係大約150馬幣，都ok丫，兩小時到達 個度岀名雞飯粒，其實即係將d海南雞飯渣到成個波咁，之後隻雞另上 去左司機介紹呢間一級棒食，都ok，不過我個人就吾太岩食，可以一試 馬六甲最岀名係呢條 jonkerwalk 雞場街 都係一條街過，同女人街差吾多，係賣下野食，3等，半小時應該行完 去到荷蘭廣場 有個I love Melaka 呃like 成條街好短，都係賣d女人街d野，手信，玩具等等 有個Christ Church 拍下照 行去旁邊，睇埋呢個葡萄牙城堡，其實係幾無聊的，無咩特別 輕輕鬆鬆遊覽下之後，我都坐反車去吉隆坡，夜機飛去蘭卡威
