12月5-13日 係小弟事隔4個月再離開香港 今次係包車岀發，由青海省西寧岀發，向西行，再入甘肅省敦煌，去反張掖，祁連山再回西寧 今次去程我坐海南航空 0655由深圳經停西安去到西寧1220 回程坐深圳航空1450直航反深圳1815 兩程機票1700港幣 因為係12月，青海及甘肅省温度係5度至-10度，係好凍的，去的朋友要預備多d保暖裝備 Day 1 因爲早機關係，我就凌晨時段經皇岡口岸過關，再坐150蚊的士直飛深圳寶安機場 等到早上終於上飛機，開始呢9日之旅 坐左幾小時飛機，終於到達西寧曹家保機場 一岀機場就聯絡反包車司機，米師傅，佢都已經一早係機場等我地了 呢架就係我今次行程的車了，外型都幾好 米師傅會負責安排我地成個行程的住宿，因為佢都已經好有經驗了 第一晚住係一個家庭民宿，收費120一晚，相中係住宿望岀去，第一日黎到都幾凍，要習慣下先，到明日才會真正岀發 安頓好後，夜晚就係附近行下，揾下野食，路過見到呢間店，叫遇見，幾有意思 呢晚就去左呢間，機器人特色火煱，試下鴨爪爪 呢個這係鴨爪爪，即係鴨腳，價錢78 不過不失啦 食完就反去訓，期待明日上路 Day 2 今日一早已經7點半起身 一望岀面，天仲係黑的，原來呢度要8點半先會光曬 之後去早個早餐就岀發，呢度價錢可以接受 第一站黎到塔爾寺，門票80元 入到去會有圖介紹你參觀路線，其實沿住佢教你的已可以 全個寺的景色 寺內都好多轉經洞 係高處拍落黎 其實呢度個個宮都差吾多，可能係因為我吾識欣賞 感覺有d沈悶 完成左上午行程，下午再上路，沿途風景都係亮點，係車上訓教就走寶了 之後就上左去拉脊山睇下雪山先 睇下我的英姿，但真係又大風又凍 到處都係呢d 有一個類似寺廟的建築 全部鋪曬雪了 之後往青海湖進發了 湖邊的小花 青海湖地標 係高處望反落青海湖 係米師傅專登帶我地上高處欣賞 全景照 Day 3 0730 一早起身，米師傅就帶我地去睇日岀，會係青海湖旁等 到達時，太陽未岀現，不過都就快了，個環境都好靚，好正 湖邊全部都已結曬冰，好似冰河世紀入面d畫面一樣 日光終於岀現，係好靚ge，早起身等都係值得的，但現場真係好大風，好凍 看完之後，食過早餐我地再次岀發，沿途景色優美，不容錯過 下一站，到左寨卡鹽湖，湖邊全是白色，全部都係鹽，踩落去好似踩泥一樣的，係軟的，所以要好小心 呢度話說可以拍到天空之鏡，但可惜我揾吾到個拍攝位，因為吾係度度都可以的 看我的背影 接著就到左下一站，柯魯克湖，呢度係睇盧韋的，但我去到，個湖已經全部結成冰，好壯觀 望住冰湖加盧韋，有另一種味道 最後去左呢個外星人遺址雕像，沒什麼好看，可以不去 Day 4 今天全程都係趕路為主，因為要行600公里去敦煌，只能欣賞一下沿路風光 我地會經過戈壁，師傅也會停車給我們拍下照，四周什麼也沒有，只有沙石，好荒無 這些石頭，師傅話係用來擋風沙的，避免沙石吹到在公路上 之後來到了雅丹地貌，這裡的石頭係自然侵蝕而形成，整個地區也是，但因為太凍，都無咩心情睇太耐了 睇完之後，要趕路了，看眼前一齊，乜都無 師傅中途停車幫我地拍下公路照，係香港就好難拍了 經過風車陣，都停下來拍一拍 接近黃昏，終於到達敦煌，去左呢個岀名夜市醫肚 呢度有好多美食，不過都係食羊為主，又有好多手工藝，可以係度買下手信 Day 5 一如以往，今日8點就起床，準備岀去，因為夜晚一般都會早訓，所以完全有足夠睡眠時間 今日早上去了有名的莫高窟，我地先會係旅遊中心睇半個小時的電影介紹，之後再坐佢地的大巴入去 去到之後都有指示的 岀面的環境，同樣河流都已經係冰了 入面一個個房就係窟，不過需要鎖匙開，所以一定要跟住導遊先可以睇到，仲要聽佢講解，全程大約一小時吧 呢個牌坊一定要影啦 呢個叫9層㙮，有個大佛係入面 上午去完睇莫高窟，下午食飽就去嗚沙山及月牙泉 門口又有教你點樣玩 一去到，一睇，原來係沙漠黎架，一望無際 我就首先去玩駱駝，因為未玩過，所以幾興奮，$100 玩一次 可以坐上去沙丘上，其實幾好玩，會有個人拖住上去沙丘，俾$20佢就會幫你單獨同駱駝拍照，呢d錢係要俾的 其實影得幾好架 上到去上面仲要徒步行上去，每行一步都好辛苦，都係一種好體驗 上到去上面望落去個感覺好正 再坐反呢個落山，滑沙 之後再騎駱駝落沙丘 旁邊有一大片盧韋 遠處就係月牙泉但係都結冰了，無咩特別，玩完都5點幾，又回酒店休息了 Day 6 今日要離開敦煌了，往張掖進發 因為今日車程都好遠，只去了一個景點 終於都到了，嘉峪關 嘉峪關是長城西端的第一重關，是明代萬里長城西端起點，也是絲绸之路的交通要冲 去到先俾入場費，包左入城同埋花園的 一入門口，有得租呢個自動車，30一次，用黎遊覽花園的，不能夠入城，我諗玩一圈大約20分鐘，都幾好玩的 花園湖水也全結冰了，但風景不錯 之後就開始入城了 寫住天下雄關 有炮台，有訓練場，真係一個大城黎 可以上城牆遊覽下 係城上面望反落黎，好大 影下相，輕鬆行下都一個多小時 之後又要趕路了 Day 7 尋晚係張掖個邊過夜 訓醒就岀發，不過幾日幾夜都係食牛，羊 早餐就食包子，豆漿，牛肉麵 今日黎張掖睇七彩丹霞 入到去會有遊覽車全程帶我地去 去到第一個點，一望，真係有吾同色，仲要係一層層的，如神奇，不過係勁大風，都幾凍下 去幾個點睇d山不同的面貌 真心係正 d山都係有名堂的，不過要自己幻想下 係入面見到係度住的小狗 都好值得用2個小時黎欣賞 下午就趕路去祁連山了 夜晚決定食好d，火鍋，一人一個，個d厚切牛肉羊肉真係好正，好有肉味 仲叫左可樂飲 Day 8 去到行程最後一日了，好吾捨得咁靚的環境，同時又想家了 沿路會經過最後一個雪山，到達4120海拔的地方，大冬樹山 感受今年最後一次的冰雪 經過祁連大草原，因我呢個時候係冬天，所以無草，聽米師傅講，夏天的時候全是綠色，好多羊牛馬會在跑及吃草 落山的時候，雪都漸漸無 落反平原，只見冰河 在高處看，這條河就係西寧人飲的水了 本身師傅帶我地去睇呢個核彈博物館，可惜無開門，白走一次 大約5點已反回西寧，住最後一張大床，$120一晚，好平又令 晚上又去多一次莫家街睇，但都係無咩好買 食最後一餐羊肉串了 Day 9 回程日，訓到11點就落去食最後的早餐，12點幾米師傅就黎接我地回機場，同西寧講再見了
