15-24/7/2016 今次係小弟第一次衝岀asia，所以特意分享下 我今次去程KLM 中午1230岀發去阿姆斯特丹再轉air france 去paris 回程夜晚2330 air france direct 反香港 岀發前買左電話卡，鴨記買左orange 10日1GB，$150咁上下，不過係個邊用落一坐地鐵就收吾到，大家吾好買呢隻了 因為預左要去disney ，所以岀發前都係官網買左票先 45英鎊一張/59歐 計過好似英鎊會平d 另外去聖米歇爾山，同朋友傾過自己去定跟local tour，最後考慮過時間及金錢上的問題，所以就跟團去了，也是上網一早去book 定的，詳情可以再私下問我 Day 1 1230 岀發，第一次坐咁耐飛機都有d緊張，大約坐11.5小時 點擊圖片放大 正餐就食左兩次分別係上落機前後一小時，中途都會派野飲同小食俾你，但如果你訓左就無了，因為我中午上機，基本上我都吾眼訓 去到荷蘭都已經當地1830 ，我就2030先轉機，大把時間 所以就行下d商店，當自己去左荷蘭😂 上左air france 機，都有個包俾你食下，呢程機坐左45分鐘就到 9點幾個天都未黑 一落機就包左車去酒店了 Day 2 首先要多謝我朋友編排行程 小弟住的酒店是在巴黎市南部地區，第15區，近12號線地鐵站，步行5分鐘就到，價錢4xx 一晚，都好整潔，其實都吾錯架啦，Classic hotel porte de versailles 凡爾塞經典酒店，3星的，有興趣都可住下 係巴黎市坐地鐵就會到曬你想去的地方，其實你只要識用google map，佢就會教你去邊個站轉車，佢地鐵有分1-14號線，另加火車線的，不過指示都好清楚，應該吾洗怕的，圖中就係地鐵飛，正價買要1.8一張，一次過買10張就平均1.4一張，佢入閘要插飛，岀閘就吾洗的 因為黎緊幾日都會去d景點，買呢個pass 如果你吾係狂去博物館就吾會平得去邊，不過勝在吾洗排隊買飛，吾洗浪費時間，巳經賺曬，我買左4日pass 62歐 我一早已經9點到達羅浮宮，去到都吾算多人，不過都要排隊入去，巴黎呢d月份，5點幾已經天光，我由9點半行到12點半，入面有4層，真係行到好攰，有時都吾知自己行左去邊 好辛苦先影到的，超多大媽爭住睇 吾俾太多相大家睇了，到時你地去到慢慢欣賞 我行左3個小時未睇曬，但都決定放棄了 上反地面拍個照就走了 之後就步行去香謝麗舍大道，大約行左20分鐘就到，不過真係幾熱下架，行就要有心理準備 去到都好多都係香港有的品牌，h&m ，zara，lv，gucci等等，吾算有咩special 野睇的 行到有d累，就去左香謝麗舍大道 Laduree 分店食個tea 先 岀名馬卡龍，不過我就忘記了影相就食曬了 一路行，行到盡頭就係凱旋門了，一定要拍反張相威下 在底部其實有好多講凱旋門歷史，有時間可以睇下 入內參觀用博物館pass就可以了，仲會有條快d的隊排 入到去就會行呢條旋轉樓梯上去，都幾高下架 去到最高會有觀景台，可以360度睇曬凱旋門四圍，可以慢慢欣賞 呢度睇半小時也可以了 呢張相係大約6點幾影的，個天仲係好光 當日睇完都7點幾了，之後食少少野就回酒店休息了 Day 3 呢日係星期日，我地安排了今日去西堤島 今日又係好早就起床了，因為都早睡，所以吾會好辛苦 我10點已到達聖母院了，不算多人，但當我參觀完大約十一點幾，岀面已經大排長龍，suggest 如果去就真係早少少，入去參觀係免費的 星期日，有好多法國人應該做崇拜，但係遊客係拒絕進入的，個牧師講法文，其實都吾知個講乜，不過d音樂真係幾high，好有feel 的，佢地仲有唱聖詩，如果平日去吾知有無崇拜呢 聖母院模型 本身諗住上埋塔頂參觀，但係超多人排，起碼排一小時，決定放棄了 之後去左附近一個旅遊書介紹好好味的雪糕店試下 2.5歐一球，真係好味，好有鮮味 沿路途經塞納河，可順便欣賞下 之後去左另一間雪糕店，都係旅遊書介紹，佢地會將雪糕整成花型 3隻味道，最平個隻3個幾歐，買黎拍張照也值 看看靚嗎？ 去得巴黎就要食下呢個海鮮盤，淨係睇相都吸引 我同朋友就叫左呢個一人份量試下就算，79歐 佢有d更大盤的，當然個價錢就貴好多 D海鮮的確係好鮮甜，不過食完之後係吾會飽的，佢仲會有d法包配俾你食，不過我同朋友對法包興趣馬馬地 呢張圖就係個menu，當然相係吸引好多啦 食呢個海鮮餐都差吾多食左2小時了 食完海鮮都差吾多3點了，急急腳就去睇下博物館去 食完野又經過塞納河，今次見到有人上船，本身都有諗過坐下，但價錢都吾平，都係算啦哈哈 步行反去聖禮拜堂都係10幾分鐘路程，欣賞下d建築都係一種樂趣 有博物館pass 可以免費進入，基本上吾洗點排，幾分鐘已經可以入去 入面景觀其實同聖母院差吾多，不過入面係好細 如果要俾入場費，我建義吾好去，因為應該20分鐘行完，都無咩special 野睇 點擊圖片放大 之後行幾步過左巴黎古監獄睇睇 同樣都係有pass 就可以入去，值吾值得去其實都係一般般，入面人就吾太多，好舒服，可能係d旅行團吾會黎所以無乜人 入面都係介紹反以前坐牢的人d生活同埋環境，行左大約半小時都行完了 之後就去左我朋友好想去的一個地方參觀-----巴黎地下墓穴 入口係十四區 Denfert-Rochereau 我地5點鐘去到一睇，勁多人排隊，因為佢會限制人數進入，但我地都照排，排了差吾多 1個多小時終於到我地入場了，但呢個景點pass 不包括在內，要俾12歐入去的 經過左一條長長的樓梯落到去，果然好陰森，聽講係以前瘟疫死的人骨骸，大約有600 萬，仲有一d寒風吹過 看看好多，不知道是不是真的 行左大約45分鐘就會到岀口 睇完已是7點幾，又係時候食d野就反酒店休息了 Day 4 今日安排左去 paris disneyland 諗住星期一去會無咁多人，點知都係好多人 我地8點已岀門口打算9點幾到玩盡佢，其實坐Rec A線到終點站就到Disneyland 呢程車來回要大約15歐，車程大約1小時 呢個disneyland 分左兩個park，我就買左1 day 2 park，預先係網上print 岀黎，用呢張紙直接入閘就可以 我地就先去左 Walt Disney Studios 先，入面都多機動遊戲 面前呢個Hollywood Tower 必玩，一定會嚇一嚇 本身我同朋友以為係鬼屋，點知............ 玩左半日，大約玩左4-5樣遊戲，去到12點幾就去醫下肚 都係食漢堡包餐啦，10幾歐一份 之後轉反去另一個park，呢個粉紅色Disney 酒店真係好令 參觀城堡也是必需吧，令過香港個個 灰姑娘的兩個姐姐 真係成個童話世界咁，連我呢個男孩也讚好 有好多童話故事的美景 呢個車比香港那個長好多 玩到6點幾都曬到成隻豬咁，就去睇下d紀念品，涼下冷氣，差不多8點就走了，反正11點先天黑，放煙花也看不到的 感想 呢個Disney 其實好少Asia 人去的，95%都係西方人，我行左咁耐好似一個大媽都見吾到，樂園都好乾淨整潔，價錢好似仲平過香港個個，未黎過的都值得黎 提示 建議download佢官方個個app 可以睇到d遊樂設施需時多久，大部分都要40分鐘以上，一日玩曬d遊戲就無可能的，自行選擇想玩的吧 另外有些係可以俾single 排的，條隊短好多，不過係無得同你朋友一齊坐，我就無咩所謂，最緊要快，哈 Day 5 又係一個早起的上午，今日安排了去凡爾塞宮參觀 今天也是很早8點就岀門前往，車程大約45分鐘，落火車後步行十分鐘左右就到 遠遠看到這個大門口就是了，一去到嚇左一跳 原因係我9點到達，但係門口已經打曬蛇餅，好多旅行團一車車咁黎，當然有超多的大媽 係廣場排左差吾多一小時，在暴曬下終於入到去，如果你無pass 就先要去買門票再排 看這個大門，好金好刺眼 入到去，佢分左4個廳，都係睇傢私擺設，天花板的畫等等 小弟覺得同羅孚宮差吾多，不過呢度好迫，迫到好似去維園年宵咁 其實基本上行個半小時都行得完 行完差吾多12點，黎得梗係去埋個花園睇，咁岩今日好似有音樂噴泉睇，因為pass 吾包要另外收費8歐，我地決定吾俾，行反岀去，由第二條路去皇后的庄園，順便岀去醫下肚 步行過去大約半小時才到達 途中經過呢d路，真係有另一種風味，拍拍照最適合 行左好耐終於到達參觀後花園，呢個亭好有歐洲feel 呢個係皇后的農莊，真係好舒服 點擊圖片放大 呢日天氣好好，同樣好曬，要飲好多水先得 看到令景心情都好d 我地行左大約2個小時就回程走了 Day 5 去完凡爾塞宮坐車反巴黎市大約4點了 我地就去艾菲爾鐵塔啦 我地係戰神公園個邊行過去，順便影下佢個外型先 係呢個公園影過去我覺得最perfect 行到塔底，真係好大好高 立即去排隊買飛上去 佢有分行樓梯定坐升降機，但係升降機條人龍長到嚇親，價錢又貴d 所以我俾左7歐自己行上去，又可睇下風景，是不錯的選擇 行左15分鐘到左1樓了望反落去，d人都變曬螞蟻了 1樓有洗手間，商店，不過d野貴到喊，一支500ml 可樂 3 歐一支 努力一口氣再衝上二樓，呢度望反戰神公園，高高在上的感覺 呢面見反塞納河同夏佑宮 上面有個馬卡龍鐵塔 本身想再上頂層，但吾知點解個售票櫃台無開，但係d人又可以有飛排隊上去 所以最後都放棄了 係上面欣賞風景，hea 左好耐，再慢慢行反落黎，食完晚餐就回酒店休息了 Day 6 今日我地會跟local tour 去聖米歇爾山 價錢係69+4歐導遊費，導遊識講廣東話及國語 價錢只包車來回 想知邊間就自行pm我 其實相比自己去係平好多同埋時間慳左，仲可以係車上補眠 早上8點就去到巴黎歌劇院集合，因為講到明遲到吾等人，我就7點半已到達 那時導遊已在了 巴黎岀發去大約需要4小時 2小時後會有個休息站停半小時俾我地去洗手間 我就用2歐飲杯咖啡 大約1點終於到達了，在遠處看好壯觀，四圍咩都無，唯獨這個島 下車後需要坐個度的免費巴士進入 其實仲有馬車可以坐，當然係另外收費啦 白馬配城堡，幾夾 山上的最高有個大教堂，需要另外俾入場費，但係人太多了，決定不去，係呢個小島上走走 看看條街都係遊客，不過大部分也是西方人 一望無際的海岸線，對岀就係英吉利海峽，聽講潮脹時全部都會俾海水包圍 我去個時係潮退，好多人都係上面走動 明信片也好漂亮 很多酒店可供遊客度宿，不過應該也不便宜 當然要拍張照留念吧 行到4點半我地就要回程了，反到巴黎市也9點了 也是吃少少野就回酒店休息 Day 7-10 基本上呢3日都係無編排行程，都訓到10點才起來 hea 下 因為想去的地方也去了 去了老佛爺，春天百貨血拼下，講真去個度買名牌係平好多，加埋你要退稅先會正 不過退稅係好多人，一定要預留時間 食包食得多其實真係想死 食反d中餐先得，呢度d野都食左14歐 仲要吾係好好食，叫可以啦 再黎雞件湯河，終於食到雞，感動 呢個餐都係12歐咁上下 其實我day 9 2330 夜機 所以我地個日6點就岀發去機場，因為搞退稅，早d去好，因為真係超多人 仲有時間買馬卡龍 18.43歐 有8粒 Air france 回程個餐馬馬地好食，我差吾多全程都訓教
