好多時星期六日夜晚, 坐小巴經過紅橋都會見到呢間鋪頭係排晒隊 今次我同朋友星期一至五晚去, 所以唔洗排 ^.^ 我同朋友一個人叫左一個WAFFLE (送雪糕) 1. 焦糖脆脆 2. 綠茶紅豆麻薯 當食物來到, 我就明白點解每逢放假都會大排人龍, 未食落口, 見到咁可愛既貓貓畫花都己經心動, 賣相一流. 食落去仲要有內涵. 焦糖脆脆係比較甜 (叫得都預左), 佢個餅底同埋脆脆粒都好味. 餅底夠熱, 唔係林, 加埋上面的CREAM 同埋吉士, 好好味. 綠茶紅豆麻薯堅係一絕. 雖然佢無咩醬, 但佢個餅底先係精髓 餅底係食唔到綠茶味, 但佢中間有麻薯粒粒, 食落去煙煙LUN LUN, 加埋紅豆同CREAM, 真係無得輸 呢間小店絕對係推介