又到一年一度的出血聖誔, 市面上咁多個X'mas set 總會有一個令你心動. 座擁9萬樣化妝品既我, 第一件失守既就係Giorgio Armani Luxe Is More palette, 第一次見到佢係BE IG, 跟住第二日己收到 GA 寄來的咭仔, 第三日一出就9秒9衝去買. 買完仲要望一輪都唔捨得用.. 真係好靚呀(可能我呢 d 化妝品痴先會咁 T.T) 佢有10色眼影, 大路到唔大路, 講真呢 d 色我全部都有, 但放左係呢個palette 入面感覺總不同 (名牌效應~~ 不過質地係好滑同埋出色的!!!) 上層: 上面4格淺色, 可以返工 OR 做日常妝 中間2 格就可以做眼線 下面4格比較深少少, 咁可以加深做晚妝都OK GA 下層: 2個concealer/foundation/contour 同埋一個碎粉 咁個袋仲會跟2個我應該呢世都唔會用的海棉頭化妝掃 (一黎到海棉頭化妝掃就真係覺得... 點解唔用毛, 人造毛都好呀, 感覺無咁cheap) 來到大家最想睇既試色圖啦~~ 試係手 (日光), 上面係上排4色, 下面就係其他6色 怕大家睇得唔清楚, 再試係紙, 不過我左右反轉左....大家自己對返, 同埋有個銀白shimmer 實在太難影, 所以係白紙之下, 變左無色, 但其實閃粉好出的. 白燈光: 日光: OVERALL, 其實呢個PALETTE都几好, 顏色好實用, 用上眼應該係低調風, 一貫貴牌的風格, 會係用左好似無用, 但又氣息好加輪廓深少少個 D. 除左眼影, 佢下層既CONCEALER 同埋粉其實都值得讚, 我用淺個格CONCEALER 做眼底, 顏色岩同埋無現眼紋, 我覺得好好, (不過COUNTER 又好似唔覺佢有呢個產品, 或者只係我唔知, HEHE) 不過一格好, 咁另一格就深色左, 唔係好知可以用黎做咩, 如CONTOUR, 我就覺得質地太CREAM, 唔係咁好推. 去旅行, 我都會帶既, 因一盒有咁多野, 唔會有太多散修修既野係化妝袋度LOOK 來LOOK 去, 咁我只要帶胭脂同埋一SET 掃就OK~ 不過HKD830值唔值就見仁見智, 但佢滿足到我既. **申利: 產品自購**
