上年在日本沖繩 築地 銀だこ食過一次大阪燒 一直念念不忘 想系外國食到日本大阪燒 係一件無可能o既事 所以 參考系YouTube 同網上食譜o既教學 製作出一款無肉都超級美味的お好み焼き 雖然味道一定不及正宗o既 但需要慳錢既留學生 同要keep fit既女仔 個人認為 係合格兼好味o既(●°u°●) 」 (二人份量)= 兩塊大阪燒 麵糊材料: お好み焼粉(100g), 雞蛋(一隻), 高麗菜(三片), 水(120ml), 蔥(一條) 其他: 額外蛋一隻, 紫菜碎, 柴魚片, 沙律醬, お好み焼醬 首先將水倒進粉裏面 慢慢攪拌至無顆粒狀 *一定要無顆粒(・Д・)ノ 然後將高麗菜切絲 個人認為切絲比切碎o既口感較好 打一隻雞蛋 將切好既高麗菜 蔥 放入麵糊(如圖) *TIPS 接下來這個步驟非常非常重要: 攪拌麵糊only30秒 因為過度攪拌會令到大阪燒失去厚度 煎出來的完成品會較扁 口感較差 攪拌均勻後的樣子:) 把額外的一隻雞蛋打均備用 煎pan落適量油 加入一半蛋液 倒上大阪燒麵糊 蓋上蓋子煎2分鐘 2分鐘後 翻面再煎2分鐘 完成後 按次序塗上お好み焼醬汁 沙律醬 最後紫菜碎 柴魚片 完成ε-(´∀｀; ) 熱辣辣軟稔的口感 加上蛋的香味 美味しい☆〜
