開呢個blog其實就係為左紀錄我有幾掛住你, 打BLOG就係因為你有打BLOG呢個習慣 好掛住之前可以日日睇你個BLOG 完全知道晒你個BLOG講緊邊個 知道你果日同我出街開唔開心 依家已經冇得咁做 因為我已經唔係你邊個 今日睇到你個BLOG 其實都仲知你係講緊邊個 閨蜜 你有幾多個姐 咪又係佢 之前為左我放棄左呢段友誼 其實我好想多謝你為左我付出咁多野 但我冇好好珍惜 直到依家你走左先知 原來我一直生活係你影子下面 我擺脫唔到你既生活習慣 雖然好多野都唔同左 我已經唔再早訓 我鍾意左飲咖啡 之後又發現 其實好多野我冇左你根本就唔會做 出街 我唔想出 旅行 我唔想去 唔係因為我唔鍾意 而係我淨係想同你出街 淨係想同你去旅行 閏蜜 我好希望你搵到一個 如果我地真係唔會一齊番既話 我願意做你閨蜜 我希望可以一直係你身邊 你肯講 我一定會靜靜地聽 今日見到你在線上 我知 你同緊佢傾計 我好想搵你 但我冇做到 我一路係度諗 ''如果你搵我 見到我即刻已讀 會有咩反應呢?'' 不過我知唔會發生 可能係我唔肯放低 我亦都唔想放低 好想可以同你繼續行落去 依家你已經唔係日日都打BLOG啦 之前你係日日都打嫁 可能已經冇咁多野想分享 亦都可能係唔想分享 其實我日日都有睇你個BLOG嫁 好希望每日都見到有更新 好想知你每日做左D咩 雖然我知 你唔打BLOG既日子好大機會係同佢出街而唔想比我知 所以先唔打 雖然我都唔想見到 但都係希望有野更新 人就係咁犯賤嫁啦 呢段時間 佢要求我日日都同佢講我掛住佢 雖然我有講 但我個心都唔係咁諗 我就好似交功課咁 佢叫我做我就做 做完就算 唔會做多 諗番起之前同你WTAPPS到傻 由朝到晚 為左你放棄打機 依家 我唔會 我唔會唔打機同佢傾計 應該係話寧願打機都好過出街 傾計 我知 佢好鍾意我 佢對我好好 但我根本比唔到FEEDBACK佢 就好似得佢一個係度付出咁 一開始我以為搵到新一個就放得低你 但依家先知 根本冇可能 冇人取代到你 依家我根本就唔想承認佢係我女朋友 我好希望同全世界既人講 你係我女朋友 你係我既 你叫我等 我肯等 但你知唔知我驚咩 我驚你愛上佢 我知你依家只係鍾意佢 未去到愛既程度 但我已經好驚 佢好似好好咁 所有野都做到好足 根本就冇可能會分手 可能佢真係合適過我好多 可能佢真係會比到幸福你 如果係咁既話 我唔會比你同佢分手 我唔會再加入 只會將呢份愛''深埋珊瑚海''
