雖然有人話，去旅行樣樣Plan好晒，規限晒自己唔夠悠閒。但係我每次去旅行，我都會Plan行程可能我係緊張大師啦，驚miss咗班車等等，二嚟我覺得plan嘅過程都好開心，睇吓旅遊書都幾興奮！（雖然多數都係伏），以下呢四樣嘢，係我今次Plan行程搵到嘅好介紹！ Funliday - plan行程專用app 呢個app真係世界級好用，Log-in 完就可以新增行程，之後禁入去 search，search 到景點就禁加入。如果想改時間 ( 佢default一個鐘)，可以禁上面支筆。 呢個 app 最好嘅係，佢可以幫你睇埋車程路程，甚至班次。想睇列車班次直接禁右上角個 google 就可以幫你搵到，地點時間佢都幫你打好晒。 最好就係唔使拎本旅遊書周圍行，有電話就得，如果有埋網頁版就無得輸。 網址：http://www.funliday.com/ Travelbala - plan行程專用網 Log-in 之後新增行程，揀好日子之後就可以開始。 喺左邊可以畀你 search 景點，揀啱之後就可以直接拉去右邊，時間表下面個地圖仲會顯晒當日你會去嘅所有景點，你自己可以衡量吓會唔會好遠。 相對無Funliday咁完善，但網頁版有佢嘅方便之處嘅。 網址：http://www.travelbala.com/ Design-lol - memo紙個樣靚得嚟仲要方便，平時貼完普通memo紙自己要remark，Design-lol memo紙就幫你寫好晒星期幾、早午晚餐、買啲咩嘢。 網址：http://www.design-lol.com/ 人人出版社 - 旅遊書 比出名果幾間旅遊書貴少少，但佢介紹果啲景點真係有 heart 好多，一本「小書」只係介紹一兩個地方，啱晒想去慢活或者深度遊嘅旅人，呢本入面佢仲會幫你比較埋邊間廣島燒好食、同埋有咩特點。 另外佢哋都會有介紹多幾個城市嘅「大書」，都比香港流行嘅旅遊書好。 網址：http://www.jjp.com.tw/ Follow me ヾ(○´▽｀○)ノ Facebook: 港豬生活點滴． Instagram: flypighk
