住喺九龍嘅我,其實好少入屯門。今次去屯門探朋友,就帶咗佢去貓Cafe!雖然呢間貓Cafe我已經去過幾次,但一次比一次更滿足! 點擊圖片放大 呢度嘅環境比其他貓cafe大同寬敞,坐位相對較少,勁多玩具、架、畀貓貓玩。 唔好睇呢隻貓個樣咁無辜,其實店長話佢係「大佬」,好惡,唔鍾意同人玩架。 點擊圖片放大 係咪覺得佢地好似樣呢?老闆話佢地大多數都係來自一個家庭架。佢哋好多都好nice,不過都係貫徹貓嘅性格 - 傲嬌。鍾意理你就理你,當然佢地係無理我<( ̄ ﹌  ̄)> (明明上次有隻係我大脾瞓咗一個鐘!) 呢兩隻傻貓就係度搶紙箱。估唔到佢地幾鍾意玩「人力車」,有人可以拉住個箱帶佢地周圍走,一到我拉就.....<( ̄ ﹌  ̄)> 老闆都會免費畀啲貓糧客人餵,你可以放上手餵,一有糧就有幾隻貓圍住我,即刻勁受歡迎。 老闆仲抱隻貓畀我影相,佢話呢隻係較痴人嘅貓,可以係你手上停留幾秒lol。 其實場內有成十幾隻貓,不過有啲見到我就速逃,陰公。 臨走時就見到呢隻貓賣萌,真係好可愛,融化咗我個心喇(ლ ^ิ౪^ิ)ლ (怪嬸嬸mode on) 想知更多貓cafe資料,可以去返我fb專頁(*☉౪⊙*) Follow me ヾ(○´▽`○)ノ Facebook: 港豬生活點滴. Instagram: flypighk