天氣咁熱，放假都寧願留喺屋企。不過宅喺屋企就會唔小心上網買咗一筆。今次就買咗一大堆手作材料，同埋多肉植物，又無幾舊。 上次已經喺多洛庫買肉肉，今次買呢堆肉肉，一樣包得咁好，無穿無爛。連啲泥、沙石、花盆都可以一次過買，勁方便。 呢個鴨鴨花盆真係好靚，一次過整晒兩個。 不過啲肉肉買得太多，就加咗一兩棵去舊嘅花盆。 整完肉肉，跟住就玩玻璃球頸鍊，買咗一大堆乾花同玻璃球。不過發現，玻璃球太細個，好多乾花都放唔落．．．．．． 最後只係用到兩種，下次要買個大啲嘅玻璃球先得。 其中一個就畀我拎咗嚟整個星空feel嘅頸鍊，勁易整，只係要棉花同顏料就得喇。我求其買咗紅色同藍色廣告彩就整到嚕，不過我諗用水彩會更易～ Follow me ヾ(○´▽｀○)ノ Facebook: 港豬生活點滴． Instagram: flypighk
