我其實好鍾意食章魚小丸子,不過好食嘅唔多,買十次有九次都中伏。好耐之前喺網上見到呢間餐廳有得自己整小丸子,我搵咗個星期日去睇吓試試! 入到去之後,職員就放低晒啲材料,加埋一小樽泡菜。估佢唔到啲泡菜幾好食喎,淡淡地唔太咸,好啱我口味。 跟住職員就教我哋點整,其實好簡單,不過就要落勁多油,我睇到都打咗個突。圖入面果啲唔係水,全部都係油! 佢有洋蔥,紅蘿蔔,泡菜,八爪魚畀你放入去 等佢個底熟咗之後,轉一轉佢,再補少少粉漿。 好快就整完,再落醬。 其實幾好食,唔知係咪因為落咗好多油,所以個皮好脆好脆。不過啲料真係少咗啲,粉漿嘅粉量可以整到成16粒,但係啲八爪魚勁少,每粒丸可能只係得一粒勁細粒八爪魚,仲細粒過係街買現成果啲。不過價錢100蚊有找,其實都好滿意,都會貪手痕玩吓啫。 店名:大阪李朝園 Follow me ヾ(○´▽`○)ノ Facebook: 港豬生活點滴. Instagram: flypighk