Day 3 - 金沢一日遊 黑仔既日子開始來臨喇...... 一起身就打算去近江町食早餐！ 但去到ＪＲ金沢，就發現大部份景點都無開 （最後我都無搵點解） 連近江町市場既檔攤，都係開得一半 之後就去買周遊卷，有幾條路線巡迴唔同景點 （必買！超方便） 第一站 － 近江町市場 舖頭開得一半，好失望 主要都係買松茸同埋蟹，仲有好多生果 唔少食店都無開，但發現有唔少日本人排呢一間舖 我就唔執輸排埋一份，結果發現好抵食呀！ 點擊圖片放大 D三文魚勁好食，入口即溶我已經無叫三文魚腩，好想知三文魚腩會幾好食 下一站 － 香林坊 － 竪町商店街 香林坊超多名店，但價錢又無特別抵 沿路行去竪町，舖頭都閂左一半，都有Ｄ擔心 去到商店街，果然都係一樣，連人影都無隻 得Ｄ岩岩放學既學生，仲開始落雨 香林坊 竪町商店街 好可愛既日本小學生佢地玩得好開心 下一站 － 東茶屋街 天氣突然變得勁差，個天黑得好緊要 經過兼六園都無入到去 （無計，朋友死都唔肯去，話悶） 去到東茶屋街無耐就落大雨，咁唯有極速返番去富山啦 價值５００Ｙ既蛋味雪糕好細杯，但幾香蛋味 （但都係唔抵食） 突然勁大雨 返到富山，打算搵Ｄ地道野食 上一日見到呢間好多人，呢日就去試下 亂嗌既結果就係食唔飽，所以去左吉野家 點擊圖片放大 剩係睇得明手羽先。。。。。。 好搞笑既店員，英文都唔錯叫佢介紹D野食黎就介紹左呢個鐵板椰菜雞肉 其實幾好味，呢碟好似１２００Ｙ 呢個雞翼超好食！個店員仲教我要啪開雞翼尖同雞翼先食 日本吉野家邊爐，不過我鍾意香港果個多Ｄ呢個得牛肉同泡菜 －－－－－－－－－－－－－ 第四日，本身打算去立山黑部 去到富山車站，就同我講落完大風雪要封山 結果焗住搭番四個鐘車返名古屋 返名古屋果陣，個天勁好天，仲有彩虹添 重點黎喇，咁果18000Y既PACKAGE點算呢？ 唔好當自己黑仔蝕左就算 你同站長講，係可以退錢架！ 立山黑部套票 又Google translate，又畫公仔 結果解釋左半個鐘，站長明左之後就好體貼咁全數退錢 多番18000Y，就去左東急食鰻魚飯三食，不過性價比就頗低 點擊圖片放大 朋友食個套餐仲平過我果個 （但佢都話麻麻地好食）佢果個有茶碗蒸、天婦淮、刺身、細鰻魚飯（相入面無） 之後就去左大須觀音，同附近嘅商店街 個觀音廟被高樓大廈，有d遺和感 商店街都無咩好行，d衫好似out左10年咁 之後就慢慢行去榮 呢度畀人買飼料餵白鴿隔籬就係商店街 途中見到呢隻狗勁慘主人入左超市買野，佢「嗚」主人嗚到聲都沙 好有廣東道FEEL沿途有H&M, FOREVER 21, FRANC FRANC... 之後返到名古屋站附近 見到呢間食麵豉關東煮，好地道 入到去即刻有無數奇異目光，全舖都係男人 可能日本女仔唔會去呢d食店啦 雞蛋同豬腸 (好似係)好好味 食完前菜，返酒店抖左陣 就去左食呢間開到凌晨５點既食店 旅遊書有介紹，不過真係好麻麻 點擊圖片放大 －－－－－－－－－－－ Ｄay 5 - 名古屋市內 -> 機場 其實都係離唔開買手信、同行街 仲有去左千里馬藥妝店，好出名，但入面唔算多野賣 掃完貨就去食名古屋既最後一餐 － 唔知咩味既拉麵 超得意既船梨精 點擊圖片放大 +2 五日既行程，金沢又行唔到 最期待既立山黑部又上唔到 睇黎有機會既話，要再去多次喇 不過一定會揀清楚旅伴!今次MISS左好多靚風景 同埋建議大家唔好買「＿空」既旅遊書，資料舊得黎 介紹既野又唔好食，唔靚，無野買 如果唔係見名古屋旅遊書少選擇，真係一定唔會買 ＊＊＊＊＊＊＊＊＊＊＊＊ 想睇更多相／旅遊資訊，記得Like我facebook page啦！(＠゜▽゜@)ノ Fly Pig To The Earth - 港豬出城
