其實黑仔真係可以無極限 每個人都話去旅行要小心揀旅伴，但係我都係中伏鳥 名古屋，其實唔係我首選 但HKEXPESS 1100連稅，加上紅葉季，又係幾吸引 可惜只係去得五日，時間完全唔夠 ------- Day 1 -落機 -> 名古屋JR -> 榮 -> 名古屋JR ->高山 雖然飛名古屋，但我主要行程並唔係名古屋 第一日落機就係下晝大約五點 第一步就去ＪＲ東海買立山黑部套票 距離去高山既尾班車仲有三個幾鐘，就去榮行陣食飯先 連食肆都勁早閂，最後求其搵左間 （後尾發現旅遊書有介紹） 雖然算平，但一般，相信其他應該更好食 麵豉豬扒飯 加 咖喱烏冬，計番港幣１００有找 路過見到咁可愛既冬甩，不過太飽食唔落嚕 食完就搭車去高山，三個幾鐘仲要轉車 半夜１２點先到，好彩酒店係正對面 樓下仲有family mart 三百幾蚊一晚，性價比超級高 點擊圖片放大 ------- Day 2 -五箇山，白川鄉One-day tour -> 上三之町 -> 富山 第二朝八點幾，就去到對面既濃飛巴士站等上車 先去五箇山，再去白川鄉睇合掌屋 雖然話係英文團，但日本人既英文，我真係唔多明 五箇山比較細，一個鐘唔夠就行完 正正係ＪＲ隔籬，酒店對面 點擊圖片放大 +7 由村民親自種既蔬菜，又新鮮又抵 去白川鄉之前，就食咗個「團餐」 十分地道，但未必個個啱口味 餐廳就係正白川鄉上面 葉上面放上麵豉，底下再有火爐烘熱，點充滿豆味既豆腐一流不過魚就太甜，好有特色既一餐 下面就係白川鄉喇 去到白川鄉，領隊首先帶你去博物館 講解完就畀你自由活動 遲左少少，開始落葉，後面就係博物館 博物館二樓既窗景 點擊圖片放大 期間經過小商店 就試左飛驒牛串燒，同埋飛驒牛肉薯餅 窗上面，有一隻飛驒寶寶 成４００Ｙ一串，不過真係好香 ２５０Ｙ，入面好足料，食到你飽飽 周圍都有，好搞笑 下晝三點幾，就返到富山車站 就行左去有小京都之稱既上三之町 又真係幾古色古鄉 行緊去上三之町，風景都好靚 除左遊客，都好多本地人 師傅即場整，人少少，但都排左幾耐下 ６００Ｙ兩舊，一舊係海鹽，一舊係燒汁 去酒店放低行李之後，就去搵嘢食 今次就去呢間新開既牛心，食鐵版飛驒牛 餐牌全日文，所以點套餐，３０００Ｙ一個人（套餐有分３０００／４０００／５０００Ｙ） 點擊圖片放大 雖然份量好少，但真係好好味飛驒牛騷味較重，好香 最特別就係佢既本日精選，一開始以為係魚 但食落口感似足肥豬肉，唔多啱胃口 睇落真係好似魚 其實分量好少，又無飯 食完都唔多夠飽 跟住就去咗拑公仔，呢對暴力熊係冬天特別版 好得意，但足足拑左我３０００Ｙ 之後就番酒店，準備第二日去金沢 ＊＊＊＊＊＊＊＊＊＊＊＊ 想睇更多相／旅遊資訊，記得Like我facebook page啦！(＠゜▽゜@)ノ Fly Pig To The Earth - 港豬出城
