往年大閘蟹季節到過「鍾廚」食大閘蟹宴, 印象中性價比超高, 食完飽到行唔郁。適逢最近又係大閘蟹季節, 原來同樣推出咗以每位計嘅大閘蟹宴, 當然即刻BOOK檯嘆返餐, 水準果然冇令我地失望。 晚市6點起供應, 大閘蟹套餐 HK$398/位 先上三款冷盤小食:麻辣魚皮: 魚皮切絲, 麻辣爽脆, 非常開胃。拍蒜青瓜: 青瓜多汁, 清新爽脆沙薑豬手: 豬手彈滑, 含豐富膠原, 配上少少沙薑, 惹味非常。 滋補燉湯: 燉湯非常足料, 有瘦肉、菇菌、雞腳等, 飲落清香滋潤而不油。 套餐重點包括有三隻清蒸大閘蟹, 分別為一公兩乸, 同樣都係爆膏!!每隻蟹size大於掌心, 除咗蟹膏, 仲可以拆出梳梳鮮甜蟹肉。 蟹公嘅蟹膏偏向creamy鮮香回甘; 蟹乸嘅蟹膏就偏向蛋黃口感, 鮮味十足。 陳皮欖角蒸龍躉斑件: 蒸龍躉斑鮮嫩實肉, 陳皮欖角提升龍躉嘅鮮味。 菠蘿黑醋骨: 肉味重, 表面平均包住了甜中微酸嘅黑醋醬, 惹味。 鮮茄雞湯浸翡翠: 菜心、蕃茄盡吸清甜湯汁。 香芋臘味糯米飯: 熱辣辣糯米飯散發香氣, 加入了香芋臘味, 稍有口感層次。 最後送上桂圓薑茶,熱辣辣, 飲落極之香辣, 辣得刺激喉嚨, 有效驅寒。 鍾廚尖沙咀北京道1號8樓802號舖.KERESAWONG.L.S'S PLATFORM:Instagram: https://www.instagram.com/keresawong.l.s/Facebook: https://www.facebook.com/keresawong/Threads: https://www.threads.com/@keresawong.l.sBlogspot: https://keresawongls.blogspot.hk/Ublog: https://blog.ulifestyle.com.hk/keresawongXHS: https://www.xiaohongshu.com/user/profile/5b230759e8ac2b524de93a5e
