想喺台南搵一間寧靜、價格親民嘅文青飯店，呢間 Just Sleep 台南虎山館就好適合鍾意慢活靜態度假嘅朋友。設計走輕工業簡約風，環境安靜，遠離市區喧鬧，想放空休息就最啱。 🛏️ 客房體驗 今次入住精緻雙人房，空間闊落實用，採光極佳，朝早自然光入房，唔使開燈都好光亮，睇落治愈舒適。房內設備齊全，電視、空氣清新機、免費 Wi‑Fi、迷你雪櫃一應俱全，旅行基礎所需設備全部有晒。點擊圖片放大 +7 呢間酒店最大驚喜就係窗景！我間房向外望，可以欣賞靚絕日落，仲遠眺奇美博物館，建築感十足，好多人話影相會誤以為身處英國，好多旅客專登預訂呢一邊房。洗手間嘅浴缸對住窗，浸浴時可以一邊浸、一邊欣賞外面景色，放鬆感拉滿。 除咗雙人房，亦有四人家庭套房，空間更加闊落，適合一家大細或者一班朋友一齊入住，喺房入面傾計休息都好舒服。 🌿 公共設施 酒店分室內、室外兩大休閒區，天凍或者落雨都唔怕冇地方坐。鼓逸廊室內交誼區燈光柔和，大量桌椅，一班朋友可以圍埋傾計、整理行程；室外休閒區空間開揚，可以坐低吹風 chill。 點擊圖片放大 另外有 Pantry 自助茶水間，可以沖飲品，仲有微波爐叮翻熱食物； 自助洗衣房：對長途旅行超實用，換衫多都唔使擔心。 配套仲有小食部、自助售賣機同室外泳池，留喺酒店都有唔少休閒選擇。 點擊圖片放大 +2 🍽️ 早餐｜Just Café自助早餐設於一樓 Just Café，營業時間 06:30–10:30，屬 Buffet 形式。點擊圖片放大 有粥、薯條等主食，搭配時令水果、酸奶；咖啡、奶茶、熱茶、果汁任飲。款式唔算好多，但足夠食飽，補菜速度唔錯，整體水準穩定。點擊圖片放大 +2 📍 周邊景點介紹酒店就近奇美博物館、十鼓仁糖文創園區 ，充滿歐式文藝氣息，打卡一流。 即日起至 2026/12/31為止，捷絲旅台南虎山館推出2026 奇美博物館特展【埃及法老 ‧ 千年秘旅】住房專案，很推薦如果近期有考慮去台南玩，很適合參考看看呦連結：https://member.silkshotelgroup.com/JSTD/Package/Details/26CMEGYPT1https://member.silkshotelgroup.com/JSTD/Package/Details/26CMEGYPT2💡總結 呢間屬高 CP 值文青飯店，環境寧靜，窗景同浸浴體驗係賣點，自助洗衣房對長旅好實用。情侶、朋友或者家庭慢遊台南，想遠離人潮靜靜休息，呢間好值得考慮。......................................KERESAWONG.L.S'S PLATFORM:Instagram: https://www.instagram.com/keresawong.l.s/Facebook: https://www.facebook.com/keresawong/Threads: https://www.threads.com/@keresawong.l.sBlogspot: https://keresawongls.blogspot.hk/Ublog: https://blog.ulifestyle.com.hk/keresawongXHS: https://www.xiaohongshu.com/user/profile/5b230759e8ac2b524de93a5e
