早前同朋友食過海港城呢間高級上海菜, 提供唔少經典滬菜, 有傳統菜式, 亦有加入創新元素, 重點係味道超正, 食過之後令人回味, 而且服務招呼周到, 今晚帶埋媽咪去品嚐一番。 餐廳環境舒適典雅, 設有唔少卡位同包廂, 私隱度高之餘, 環境都幾靜, 適合同三五知己gathering, 舒舒服服傾下計。 點擊圖片放大 +2 入座送上熱茶同埋前菜小食。 【鐵板上的小籠包】HK$90小小鐵板熱辣辣滋滋聲上檯, 每個小籠包底部已被煎得金黃脆口, 皮薄, 豬肉餡料juicy嫩中帶鮮肉香, 湯汁鮮甜, 絕對係一咬爆汁。 點擊圖片放大 +3 【紅油抄手】HK$88抄手皮又滑又薄, 吸咗少少甜甜地帶少少辣嘅豉油, 豬肉餡料帶鮮肉香, 夾集少少蒜蓉食, 美味提升。 【鮮肉窩貼】HK$66皮厚薄剛好, 底部已被煎得金黃脆口, 鮮肉餡料粉嫩juicy, 很有鮮肉香, 配豆瓣醬食, 正! 點擊圖片放大 【石鍋竹笙蟹粉燉豆腐】HK$228石鍋熱辣辣滾住上檯, 橙黃色湯汁夾集蟹粉, 充滿蟹鮮香, 豆腐滑得入口即化, 數件竹笙盡吸湯汁, 超正!! 【四川擔擔麵】HK$88湯底幾有花生醬濃郁味道, 帶少少辣, 麵質林, 湯汁易掛湯, 配有少少肉碎同埋冬菜絲, 增加了口感層次。 【嫩雞煨麵】HK$98相比擔擔麵, 湯底比較清淡溫純, 麵質林, 不過雞粒比較少同細少, 仲有少少菜粒。 晚餐茶位 HK$23/位小食 HK$25 个園竹語尖沙咀廣東道25號海港城港威商場3樓3202號舖.KERESAWONG.L.S'S PLATFORM:Instagram: https://www.instagram.com/keresawong.l.s/Facebook: https://www.facebook.com/keresawong/Threads: https://www.threads.com/@keresawong.l.sBlogspot: https://keresawongls.blogspot.hk/Ublog: https://blog.ulifestyle.com.hk/keresawongXHS: https://www.xiaohongshu.com/user/profile/5b230759e8ac2b524de93a5e
