雲南米線早已打入了香港市場, 通常幾十蚊就食到一碗簡單米線, 只求平同填飽個肚。今日同媽咪經過K11 Musea 五樓新開嘅「銀米」, 主打雲南米線, 人均大約一百蚊左右, 而每碗食材相當豐富, 見lunch hour門口出現長長人龍, 令我地好奇一試, 果然飲第一啖湯底已經正到嘩咗聲。 餐廳環境裝修以木系簡樸為主, 慘透著點點雲南民族風。分別有三個套餐配搭嘅米線選擇, 另有少量雲南小食同埋飲品供應。 點擊圖片放大 我地同樣揀咗兩sets 中位價 HK$98/位嘅「銀.米」套餐, 兩款湯底招牌原湯、野果酸辣湯各一。食物擺盤上檯滿有儀式感, 每款配菜分別放於九宮格內, 再送上熱騰騰嘅湯底。因應個人喜好將配料加入湯底中, 最後再加上米線。 點擊圖片放大 先加入生鵪鶉蛋，再用筷子將牛肉片、雞胸肉絲、烏魚片掛上蛋液逐一放入熱湯中, 隨後加上各種配料, 撈起約30秒就食得。 點擊圖片放大 招牌原湯用上了雞、鴨等熬製, 味道鮮美; 而野果酸辣湯酸尾尾滲透著溫純微辣, 開胃非常。 米線滑身, 稍為吸了湯汁, 啖啖鮮香。點擊圖片放大 所包含嘅菌類亦富有營養價值, 同時亦能盡吸湯底精華, 包括有羊肚菌、松茸菌、金耳菌、玉蘭片, 配菜有，豆腐絲、韭菜、榨菜、空心菜等等……口感同味道層次同樣豐富。 【傳統滇味鹵四味】HK$98每款都鹵得入味, 鹹甜不會太重口味; 牛腱肉質偏林, 滷水鴨腎微爽、滷豆腐盡吸滷汁精華, 鵪鶉蛋軟糯香濃。 套餐包括了自選飲品, 港式奶茶味道正宗, 飲完好提神。 另外餐廳點評apps打卡, 仲有黑糖豆腐花送, 甜甜黑糖配上好似布丁口感嘅豆腐花, 大滿足! 銀米尖沙咀梳士巴利道18號維港文化匯K11 Musea 5樓503號舖.KERESAWONG.L.S'S PLATFORM:Instagram: https://www.instagram.com/keresawong.l.s/Facebook: https://www.facebook.com/keresawong/Threads: https://www.threads.com/@keresawong.l.sBlogspot: https://keresawongls.blogspot.hk/Ublog: https://blog.ulifestyle.com.hk/keresawongXHS: https://www.xiaohongshu.com/user/profile/5b230759e8ac2b524de93a5e
