今晚同友人係啟德睇演唱會, 為避過人潮, 先去九龍城果邊搵食。位於宋皇臺站B2出口對面, 呢間主打PIZZA嘅小店, 食物由外國人主理, 各款PIZZA即叫即整即焗, 每款均有9”同埋12”選擇, 味道對比連鎖薄餅店好食得多! 餐廳地方乾淨企理, 除了提供多款PIZZA, 仲有少量小食、意粉等…點擊圖片放大 +3 為PIZZA而來, 我地點咗兩款PIZZA。 每款PIZZA平均佈上了芝士, 熱辣辣時可以拉出芝士絲, 【Mama Mia 12”】 HK$158集合PIZZA人氣配料, 包括有意式煙肉、意大利香腸、辣肉腸同埋意式肉腸, 配搭味道濃郁偏鹹, PIZZA雖為薄餅底, 但口感鬆軟, PIZZA邊邊帶微微焦香, 有助平衡配料鹹度, 另有黑松醬點黎食, 啖啖滋味唔會寡。 【Hawaii 9”】 HK$118芝士配搭了意式肉腸、千島醬, 同樣味道偏鹹, 不過多汁嘅新鮮菠蘿, 完美平衡鹹度, 令其更美味。 Mama Mia! Pizzeria九龍城南角道5號地舖 .KERESAWONG.L.S'S PLATFORM:Instagram: https://www.instagram.com/keresawong.l.s/Facebook: https://www.facebook.com/keresawong/Threads: https://www.threads.com/@keresawong.l.sBlogspot: https://keresawongls.blogspot.hk/Ublog: https://blog.ulifestyle.com.hk/keresawongXHS: https://www.xiaohongshu.com/user/profile/5b230759e8ac2b524de93a5e
