踏入生日月, 第一餐嘅生日Lunch已經令我回味無窮!!! 同事安排下去咗位於中環呢間法國菜餐廳食lunch, 只係lunch set, 食完都覺得個大廚掂啊!! 果然係出自米芝蓮一星大廚出品。 環境光鮮, 有別於一般法國餐廳, 平日午市已全場爆滿, 人氣十足! 點擊圖片放大 係中環嘆咗個法國菜lunch, 食完都覺得個大廚掂啊!! 果然係出自米芝蓮一星大廚出品。Lunch set每位HK$358 (另加一), 包前菜、主菜, on-top可額外追加飲品同甜品。 先送上自家製酸種麵包, 外層有點硬脆, 內軟, 酸度溫和有麥香。 前菜: Seriole (柑橘醃油甘魚)油甘魚肉質極之鮮嫩, 伴有蒔蘿油同埋香橙柑橘醬汁, 令口感更滑兼帶出清新酸味, 非常開胃! 生牛肉他他 (Beef Tartare) (+$88)混入了生雞蛋黃增添滑順, 口感細膩, 肉味濃厚。 主食:燒牛柳配薯條(+$128)牛柳表面燒得焦香, 加咗少少鹽調味, 肉質軟嫩, 肉味濃厚; 伴碟薯條嘅炸得金黃酥脆, 份量慷慨, 飽肚感十足。 點擊圖片放大 Macaroni芝士黑松露通心粉配上雞汁, 香味更加突出。撈勻後芝士黑松露味道融入通心粉, 每一啖都食到非常濃郁芝士黑松露。 點擊圖片放大 +HK$78 追加Patisserie（自家製甜品）甜品共有五款選擇, 侍應即席給予介紹再自選,揀咗其中兩款:檸檬撻: 面層忌廉輕盈香滑, 餡料甜酸檸檬味, 清新解膩。 朱古力榛子撻: 朱古力味香濃, 唔會太甜, 餅底同樣用上了朱古力脆餅底, 幾有層次。 +HK$78 追加酒精/無酒精飲品選擇了無酒精飲品, 調制了一杯充滿梅香味嘅特飲, 梅味濃郁, 酸甜解膩。 LALA中環擺花街23-29號中環大廈地下D-E號舖.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: https://blog.ulifestyle.com.hk/keresawongShe.com: https://blog.she.com/keresawong/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
