朋友移民前跟我提早慶祝生日, 提早book咗呢間具人氣兼有畫碟服務嘅西餐廳。窗邊滲透入自然光, 入夜昏暗燈光營造出浪漫氣氛。 點擊圖片放大 食物款式選擇多, 岩哂不同人口味。 【海鹽抹茶芝士奶蓋】HK$48抹茶香濃而不澀, 面層絲滑奶蓋, 跟抹茶配搭perfect match! 【滋味小食拼盤】HK$138四款炸得金黃而不油嘅炸物, 包括有炸雞、芝士薯條、炸魚手指同埋內裡juicy嘅炸蠔。 【酥脆炸雞翼5隻】HK $88三種口味選擇, 自選了芥末蜜糖, 每隻雞翼炸得金黃不油, 面層塗上芥末蜜糖, 外脆內嫩, 香口又惹味。 【原隻波士頓龍蝦明太子海鮮薄餅】HK$248龍蝦頭內有膏兼有兩隻龍蝦鉗, 擺盤賣相吸引, Pizza面層佈滿芝士、蟹柳、三文魚、木魚絲等…每啖吃出鹹鮮, 口感層次豐富。 【蘭王蛋松露煙腩卡邦尼QQ捲捲意粉】HK$158近期新推出兼每日限量供應, 意粉長長卷曲、QQ彈牙, 沾滿卡邦尼醬汁, 撈埋蛋味濃郁蘭王蛋汁, 倍感creamy, 配有煙肉粒多一點鹹鮮, 不過整體松露味唔太出。 知道呢度有提供畫碟服務, 預早book定, 凡點甜品加$35即可享畫碟服務, 呢次我地都唔執輸~【無花果焙茶奶蓋巴斯克軟心蛋糕(半件)】HK$118上檯時見到個畫碟真係興奮到尖叫!!! 畫得超可愛, 的確係打卡able!! 配有仙女棒同埋即影即有, 如果生日, 餐廳係上甜品時仲會播生日歌, 儀式感十足! 打完一輪卡, 終於開始食甜品! 蛋糕質感綿密細膩creamy, 焙茶味散發淡淡茶香而不澀, 奶蓋帶點鹹甜, 配上焦糖無花果嘅甜酸, 味道同口感層次都豐富。 Homeland旺角彌敦道726號19樓.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: https://blog.ulifestyle.com.hk/keresawongShe.com: https://blog.she.com/keresawong/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
