最近去咗間銅鑼灣人氣日料居酒屋食dinner, 食物美味高質之餘, 其中order甜品所附送嘅畫碟服務, 更滿足到港女打卡, 令人印象深刻, 用心經營值得同大家分享。 餐廳環境舒適闊落, 具空間感, 設有卡位、包廂可預定, 岩哂同三五知己gathering。 食物款式種類多, 提供多款刺身、壽司、卷物、串燒、丼飯等… 就連定食套餐都有至少20款, 有選擇困難症係揀食方便都係要花d時間。 【特大赤蝦壽司】HK$18壽司精緻, 赤蝦很爽甜creamy。 【海膽龍珠卷】HK$148卷物包住了本鮪魚腩蓉、醬油漬蛋黃, 再以海膽、金箔做點驟, 配搭同賣相吸引又盡顯貴氣。整件入口, 甘香豐盈又creamy, 滲透魚油香, 令人回味!! 【吉列芝心豬扒】HK$78吉列豬扒表面炸得香脆不油, 熱辣辣夾起時, 豬扒內層可以拉出長長芝士絲, 外脆內軟, 咀嚼時滲透著淡淡芝士香, 邪惡美味。 【鹽燒仙台熟成牛舌芯】HK$128熟成過嘅牛舌牛味更加突出, 牛舌外層燒到微焦, 內裡keep到爽彈嫩口有肉汁, 點少少日式芥末食, 味道更提升。 【極丼】HK$208呢款丼飯份量比起定食嘅丼飯精緻一點, 但賣相同樣吸引, 海膽、特上三文魚籽、手切本鮪魚腩蓉將飯完整覆蓋, 夠哂足料。月見蛋流出豐富蛋汁, 海膽鮮甜回甘, 整個飯撈埋一齊食, 魚油豐富又creamy, 當中嘅三文魚籽鹹香提鮮, 正! 【特濃開心果雪糕脆窩夫杯】HK$68超有驚喜嘅畫碟服務!!! 只要order甜品, 就有免費畫碟服務! 而且所畫嘅公仔完全係100%神似, 好有誠意!! 絕對滿足相機食先!! Order呢個開心果雪糕, 開心果味好出, 而且再加咗開心果碎, 喜歡開心果嘅朋友必要一試!!餐廳做緊限時promotion, 啤酒同埋北海道白象拔蚌半價, 不過今晚我地唔飲啤酒, order咗兩款果味有汽酒, 果味突出, 不錯!【蜜桃碳酸酒】HK$45【巨峰提子乳酸梳打酒】HK$48 半價啤酒、半價北海道白象拔蚌凡order任何甜品, 即可享免費畫碟服務 家賀屋銅鑼灣渣甸街66號亨環2樓.其他平台:Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: https://blog.ulifestyle.com.hk/keresawongShe.com: https://blog.she.com/keresawong/小紅書: https://www.xiaohongshu.com/user/profile/5b230759e8ac2b524de93a5eESDlife: http://wow.esdlife.com/keresawongWeibo: http://weibo.com/keresawong
